هوه مش آن الأوان
[c]
هوه مش آن الأوان
والا ليل الظلم باقي
والفجر ماطلعلوش آدان
والا الضمير مات يابشر
وعقولكو تاهت من زمان
وانتو شايفين الصهاينة
يقتلوا ف خضر العيدان
ورصاص كلابهم ينطلق
يقتل الدره وايمان
مهرك يابنت القدس غالي
الدم سرسب ع الحيطان
نازل بيروي ف أرض طاهرة
اتخضرت فل وريحان
ياأرض حيفا وأرض يافا
وأرض عكا وعسقلان
ياأرض شبعا الحرة قومي
واصحي ياأرض الجولان
زلزلوا أركان كيانهم
واطمروهم بالطوفان
وانتي ياقدسي الجريحة
اصرخي ف جوف الزمان
واندهي وبأعلى صوتك
دا الرجال سدوا الودان
مابيسمعوش غير للأغاني
للطبله والناي والكمان
ومايروحوش غير للمراقص
للست نرجس أو جيهان
ويناضلوا قدام الدشوش
والمصيبه انه كمان
يستنجدوا باللي اسمه بوش
ومايعرفوش انه الشيطان
و الشيطان تلميذسيادته
ماسك بإيده الخيطان
يلعب بكل دول اوربا
يلعب شوية بالتركمان
والمصيبة فاكرنا لعبه
يقدر يحركها ببنان
بوش ده ياسادة هولاكو
مش حكيم أو دون جوان
يارجال الأقصى شبوا
واطلبوا العزة بنيشان
والنيشان هو الشهادة
لجل ماشرفكم يصان
ونلاقي روح صهيون بتطلع
ويرحل الغازي الجبان
ونلاقي وعد الحق قادم
..وعد الواحد الديان
ونلاقي نور الفجر يضوي
وودانا تسمع له آدان
***
عاشق الورد
[/c]
|