|
افلام زمان برؤية روشة (( الناصر صلاح الدين ))
افلام زمان برؤية روشة (( الناصر صلاح الدين )) *************************
المقدمة الاولى
عندما تتواجد المحبة بين اعضاء المنتدى ويسود الاحترام بين الجميع حيث يوُقر الصغير الكبير ويحنوا الكبير على الصغير وتنتشر مشاعر الود والأُلفة بين الجميع يمكن ان نحصل على فوائد جمة من ذلك , هذا بالاضافة الى ماتعارف علية من تبادل الاراء والمعلومات ومن هذة الفوائد ان نجد موضوعات مشتركة قام الاعضاء باعدادها سويا وقد سبق لى باعداد موضوع مع الاخ معاذ وتم نشرة , وهكذا يكون منتدانا دائما سباق بنشر كل ما هو جديد ومتفردا فى موضوعاته .
وهذا الموضوع هو احد ثمرات الحب والأُلفة بين الابن الغالى محمد عطية وبينى , حيث تم الاتفاق بيننا على اعادة كتابة بعض مشاهد فيلم الناصر صلاح الدين برؤية عصرية روشة نفترض فيها ان بعض الشباب قام بكتابة هذة المشاهد بطريقة كوميدية فى الوقت الحالى والمشكلة التى تواجهنا الان هو ايجاد منتج يتولى الانفاق على تصوير هذة المشاهد فهل نجد بين حضراتكم من ينفق على الفيلم ؟؟؟
هههههههههههههههههههههههههههههههههههههههههههههههههه هههههههههه
احمد المصرى
*******************
المقدمة الثانية
اسمعوا انها طبوله ......دم ددم دددددم تراااااااااااااااااام ددم اهو جيه يا ولاد اهو جيه يا ولاد اهو يا ولااااااااااااااااااد تتتا تتاتتا رجل لا يعرف الا معني واحد وهو القدس لازم حناخدها بالسلام او عافيه كده رجل اذا ذكر السيف ذكر اسمه معه( اصله كان توكيل الا سلحه البيضاء في الوقت ده زي غبور هيونداي كده) رجل الخيل والليل والبيداء تعرفه والسيف والرماح والقرطاس(يعني الورقه مش بتاع الترمس) والقلم معه رجال وهبوا حياتهم لاوطانهم وقالوله خد مش خساره فيك برضه في العام (راجع كتاب التاريخ ص 211 لاني مش متذكر دلوقتي ) كانت القدس في ايدين الصليبين (اشمعني ايديهم ...متعلقوش بقي علي كل كلمه ايه ده اف اعصاااابي) والمسلمين مكبرين الجمجه خاااااااااااالص لحد وباختصار ما جيه واد مجبتوش ولاده هو اتعلم من استاذه نور الدين وعمه شيركوه( شيركوه ده اسم بني ادم اه والله العظيم) اتربي في مصر ولكنه كردي المنشا الواد ده الناظر صلاح الدين القليوبي (ايوه هو يا ولاد اللي بني القلعه من غير ما تسالوا وهو اللي حرر القدس) تمت الترجمه بمطابع انيس عبيد (( محمد عطية))
وسنرى بعض الشخصيات كيف تتصفر ولكن احب هنا ان اعرفكم بالشخصيات احمد مظهر هو السلطان صلاح الدين حمدى غيث هو ريتشرد قلب الاسد عمر الحريرى هو الملك فيلب ملك فرنسا ليلى فوزى هى فرجينيا ارملة رينوا السفاح نادية لطفى هى لويزا ليلى طاهر هى مرات ريتشارد زكى طليمات هو الملك ارثر صلاح ذو الفقار هو عيسى العوام وهناك شخصية الدمشقى والصارم
مشهد
______
الزمان :بالليل داخلى
المكان : خيمة احمد مظهر (( السلطان ))
في الوقت ده كان احمد مظهر هو ورجالته بيصنعوا في السائل اللى هيحربو بيه الفرنجة وكان رمضان على الابواب (( رمضان الشهر وليس رمضان مخرج الفيلم ههه) ) وكان فية فريق تانى فى نفس الخمية بيعبوا شنط سلع تموينيه للفقراء (( سكر وارز وزبيب وبلح بريمى )) وفية ناس تانية بتعبى حاجات لونها مشمشى من البراميل في قزايز عن طريق كوز المحبة المخروم اللى محتاج بونطة لحام فراح واحد منهم بيقرب القزازه من النار فسمع صوت بيقولة : احذر يا رجل هل تريد ان تميتنا غرقنا او حرقا !!!! (( اللي قال كده كان الدمشقي )) اصله بيحب يطلع في مشاهد كتير علي فكره عيسى العوام كان مش بيحبه وسبب عداء عيسى للدمشقى لانه وهو بيهربه من دمشق نط فى المركب الورق بتاعة السلطان وقاله خلص علية بقى وابقى حصلنى ياجميل وهو يلوح له بيدة وساب عيسى يحارب الفارس الصليبى بالسيف البلاستك بتاع جدة لما كان صغير وابحر فى البانيو لوحدة هنا استقبلة جنود صلاح الدين على شاطئ البانيو من الناحية الاخرى وراحوا رفعينة ولفينه فى خيشة من البرد والمية اللى بهدلوه وراحوا واخدينه فى طبق الغسيل بسرعة على السلطان وفكوا من علية المشابك نرجع تانى للمشهد الاصلى بعد الفلاش باك بتاع الكراهية اتارى الجنود كانوا بيعبو الزجاجات عصير قمر الدين وكان قمر الدين من النوع شديد الانفجار لكن الدمشقى لم يجرب تحضير او التهام كميات كبيرة منه اقترح الدمشقى علي صلاح الدين اننا نجرب كميات كبيره من سائل قمر الدين لكن احمد مظهر ماكانش فاضلى كان وراه ميعاد فى السينما على فيلم جديد فقال للدمشقى : خلصنا يا عم ده زمن اسود اللي حوجنا ليك انت صدقت انك عالم ولا ايه احنا عارفين انك عطار نُص كُم ومن زنقة الستات , فما تعيش الدور ليا وتعلمى فيها ابو العُريف احنا هـــ نجرب فيهم على طول ... ما هي كده كده بايظه تصدق وتؤمن بايه ... لو قمر الدين دا ماولعش في الابراج لاولع فيك وهــ أكلك كل شجر المشمس اللى فى العالم كلة لانك نفختني عيسي اتأسر بسببك وانت هنا عمّال تصرف في فلوس من ساعه ما جيت وعاملي فيها الحسن بن الهيثم
******************
مشهد اخر
صوت بينادى من خارج الخيمة عيسي رجع يا مولاي احمد مظهر :
عيسي رجع طيب
احمد مظهر يقول : ومالك فرحان كده ياما جاب الغراب لامة , ماتكنش ياواد فاكر نفسك داخل عليا بجوز بط ولا بحلة محشى .. كتك خيبه عليك وعليه ؟؟؟؟
... يستكمل الحديث احمد مظهر موجهه لعيسى العوام ...
واد يا عيسي فين المنديل الاحمر ابو ترتر اللى كان وسيله التعارف بينك وبين الدمشقى اطلع بيه يا واد لطلعة واخدة من حبابى عنيك ده من شارع شهاب فى المهندسين انا شاريه يا حبيبي
عيسى : اتسرق يا مولاي
احمد مظهر :ايه ايه ايه ايه يا شاطر
عبسى : لويزا نسيت تديهوني ...
احمد مظهر : نعم ياسيدى دا شغل نصب بقى وانا مش كروديا علشان اكل من اكلام دا
عيسى : نسيت يامولاى اصلها قعدت تقولك يارب انت عارف ان انا بلا خطيئه وعمرى مالطشت مناديل من حد واستهبلت عليا واتاريها بتلهينى علشان تدوس على المنديل وعملت آل اية نفسها مزكمة وعايزة تنف
احمد مظهر : ارجع يا حبيبي وجيبه لحسن وحياه ابني اللي راح دمه لمعهد الاورام لاخلي العرب والروم يتفرجوا عليك روح ياواد جيب المنديل ولو عرفت تقلبها مافيش مانع الواحد ملوش نصيب في عسكرى عدل ابدا تكون دماغة نورة وعقلة مطقطق
دخل هنا احد الجنود و وشوش احمد مظهر بكلمتين فى ودانه وناولة زجاجة بها سائل احمر فامتعض وجههة وعرف من الزجاجة ان فيها خلطة مُستردا على كاتشب من اللى اعد يحضر فيها الدمشقى من الصبح فحب يمشى الدمشقى ويديلة بمبة ويزحلقة لكن المشكلة اللى كانت عند احمد مظهر هى فى نسبة الخلط بين المُستردا والكاتشب وكمان مايعرفش درجة تركيز المستردا والكاتشب ...
هنا مسك احمد مظهر لحيته علشان يركز فى التفكير ...
لكن الواد بتاع الملابس ماكنش مثبت الدقن كويس فطلعت فى ايد احمد مظهر
فزعق المخروج وقال استوب هنعيد التصوير تانى
مشهد اخر
السلطان للهنكارى اتفرج يا عم هيكاري ادينا بعتنا جبناه علشان يعملنا خلطه كنتاكي اتارية بيضحك علينا وبيستغفلنا وبيعمل لينا خلطة كاتشب على مستردا ............. . ايه ياربي الحظ ده يا ابني يا ابني افهم بقى هو احنا حنضرب صدور ولا وراك فراخ دي ابراج مكرونا اسباجتى يا حبيبي ايه العلماء المفاجيع دول انت عالم فى الكيميا ولا عالم فى الطبيخ والجرجير والكرنب (( سليمان نجيب فى فيلم الاستاذ حمام ))
الدمشقى : أصل .. اصل .. أصل يا مولاي ... يا مولاي اصل ...
السلطان يبقاطع الدمشقى بلا اصل بلا توم ... بلا زفت انت هــ تتساير معايا ولا اية .... امشي انجر عالمعمل في ظرف اربعه وعشرين ساعه تكون عملت خلطه جديده قصدي سائل جديد وانت يا عوام تعالي انت والصارم قابلوني في اللوبي كمان ربع ساعه علشان هنتناقش فى موضوع مهم جدا بخصوص امكانية استخدام الكرواسون والباتية كقنابل دفاعية .. وماتنسوش تيجبوا معاكم علبة الصلصال علشان نبنى بيها الحصون , بسرعة خلينى اطفحكم بالمرة كام كوز شاى مُفتكس بالنعناع .. طبعا على حساب الليله مش على حسابى وفى اللوبى شرح لهم جزء من الخطة وهو : انه هـــ يعزم صاحبة الجلالة ملكة انجلترا مرات عمنا ريتشارد)) على فطير مشلتت وطبق مش على طبق قشطة بالعسل وبالتالى دول يبقى كسبنا ودهم ورشناهم واستبعد ناهم من الحرب وان عارف اللى مش ضدنا يبقى معانا وكمان ستنضم الينا لويزا وفى الحالة دية هــ تكون فرجينيا ضمن السبايا ونهاروا عسل علشان الحلو على البلاص وصل هههههههههههههههههههههههههههههههههههه
يتبع
|