حوار مع جدتي
جدتي رحمها الله هي اللي ربتني هي وجدي وكنت دايما اسالها طول النهار والليل في السياسه والاقتصاد والعلوم حتي قبل تعلم القراءه والكتابه كان عندي من ثلاث لاربع سنوات كنت بحب القراءه وكنت اخليها تقرا لي وتترجم من الفصحي التي لا اعيها الي المصري وكان جدي(رحمه الله) يضحك ويقول لها(الولد حيموتك وانتي بتجاوبيه هههههههههه) وجدو بقي كنت بزهقه برضه مكنش بيسلم من اسئلتي بس كان لما يقرا الجريده لا يشغله عنها الا فنجان القهوه وبالمساء لقاؤنا المهم جدتي كانت حامله علامات استفهامي للحياه المبهمه تحاول اجابه طفل صغير جدا يريد معرفه كل شئ واي شئ وباسرع ما يمكن (رحمها الله وتغمدها برحمته)
وتصورت هذا الحديث يتم بيني وبينها علي نمط احاديثها معي لكن بالشعر العمي البسيط جدا
[align=center]يعني القدس خلاص راحت
وجيوشنا في ساعتها ارتاحت
مش قولتي بلاد الله لجدودك دانت
ليه القصه من تاني اتعادت
ليه تواريخنا وسط التواريخ تاهت
جدتي من كتر الاسئله داخت
وقالتلي الاحلام دي كلها ضاعت
طيب ايه اللي حصل في تمانيه واربعين
قالتلي فلسطين خدها شويه مجانين
يهود بس لا مله ولا دين
ونقول يا عالم فلسطين بتاعتنا..وكلهم ال مش سامعين
وابتدت الحرب ورجاله رايحين جايين
وبشاير النصر اهي هلت يبقي احنا اكيد الفايزين
والاذاعات عماله تقول في الميه ديفيد وكهين
وقالولنا هدنه يوم كده هوه قولنا خلوها اتنين
وفي وقت الهدنه كنا بنشرب شاي قاعدين
وولاد يعقوب بيجيبوا سلاح زي الشاطرين
وعرب للنصر بارواحهم ندرين
وانتهت الهدنه وسمعني سلام الخاينين
ازاي نحارب يا اخوانا بشويه اسلحه فاسدين
قالوا مش قولتوا اننا في البحر المرمين
اهو جه يومكوا يا حلوين
والقتلي بقوا بالملايين
والسكينه تطير في رقابي العسكر والمدنين
شوف كده قانا ويافا ودير يا سين
وكسبوا ورفعوا علمهم فوق اعلي قمه حطين
وياريتنا خلاصنا وخالصين
دي هزيمه فظيعه في سبعه وستين
وفرحنا شويه بسينا تلاته وسبعين
لكن طول ما هما عايشين
حنفضل علي القفا واخدين
بهدلوا لبنان في سنين التمانين
وضربوا مفاعل فخر بلاد الرافدين
وعالحدود اغتيالات لعساكر مصريين
قولت يااااااااااااااااااااه كل ده يطلع منكم يا ولاد الملاعين
بصيتلها زي القرفان بس بخجلان
مفاعل عراق ايه الخربان
ضحكت وقالت يا ابني كركوك والكوفه و حلوان
بترولهم مشفوط عالخزان
وكله بسبب الامريكان
يا دي الحوسه وامريكا كمان
قالت ما هي زاطت امريكا علي المانيا علي اليابان
وانت بتضحك علي عزو ومتابعلي بن عدوان
قولتلها سيبيني فين الرجاله الشجعان
قالت حيلك خليك اوروبي وفنان
فرق تسد يا انسان
بصيتلها بصه حيران
قالتلي الفتنه يا غلبان
.............................................
كتبه ونظمه اخيكم العربي
محمد عطيه[/align]
|