|
يادار
يادار مشكوره عسى دوم يادار
والله عزيزه لاتقولي نسينا
منساك لو ينسا النبت سحب الامطار
والله عزيزه لا تقولي جفينا
ياما تبطحنا برضك بالاشبار
وياما جلسنابك وياما مشينا
ابي انثر الدمعه وناجي الاجدار
واقول ياما فيك شفنا ورئينا
من الحلا حالي ومن المر امرار
وياما ضحكنا بك وياما بكينا
واليوم ابو سعدون يفرح بك الجار
ابي بركتك له مثل ماعلينا
رجل الكرم والطيب يستاهل الدار
ويستاهل امكان الاقوال السمينا
مشكوره يادار تربينا فيك صغار
واليوم صرنا نودعك ودعينا
( تحــــــــــــــــــــــياتـــــــــــــــــــــــ ـي )
|