الي بلبله الاسكندريه

والله عندك حق أسوأ فكره ظهرت علي وجه التاريخ هي فكره المساواه بين الرجل والمرأه . المساواه خلت المرأه مابين العمل والبيت تفقد أنوثتها لا هي راجل ولا هي ست . والغريب أن كل الابحاث والاختراعات اللي ساعدت المرأه علي الراحه (مثل أختراع الغساله الاتوماتيك والمكنسه الكهربائيه والميكرويف) من أختراع رجال يعني ببساطه هم أخترعوها علشان المرأه ترتاح وتجد وقت لتراعي زوجها وبيتها والله كتر خيرهم لكن المرأه أفتكرت انهم أخترعوها علشان هي تروح النادي وتقعد مع صاحباتها تثرثر و تتزين علشان لما الناس يشوفوها يقولوا والله خساره في جوزها أبوكرش ده عيني عليها دي تستاهل أحسن منه .

عاوزه الحق اللي المفروض يطالب بالمساواه هو الراجل يعني ممكن يخترعوا روبوت يذهب الي العمل بدلا من الراجل علشان يلاقي وقت يقعد يغازل زوجته وما تشتكيش من الخرس المنزلي .

مفيش حاجه أسمها مساواه لا عمرنا حنربي شنبنا ولا عمرهم حيرضعوا الاطفال يعني لازم نعيش الطبيعه اللي ربنا خلقنا عليها علشان كلنا نرتاح .

وعلي أي حال فكره المساواه فكره شعنونه أخترعتها المرأه الامريكيه التي تصنف عالميا بأنها أكثر زوجه مزعجه في العالم .

صدقوني أولادنا لازم تحس ان لهم ماما وبابا مش 2 بابا.