بتوصفني بخلـيِّ البـال
وانا اللي من ضفاير الليل رسمت الغنوة والمـوال
ولو تعرف قد إيه قلبـي بيفـرح لمـا بيشوفهـا
ولما اسمـع لضحكتهـا باقول حتى اللي مابينقال
وفي الآخـر بتوصفنـي وفي الآخـر ماتعرفنـي
وهيـه اللـي خلتـنـي رسمت الغنوه والمـوال
وتوصفني بخليِّ البـال!
ليالـي كتيـره بتعـدي ياخدني الفكـر ويـودي
وباحلـم إنـي باقابلهـا وأصـدق إنهـا عنـدي
واطـير من فرحتي بيهـا واعيش في سحر لياليها
وفي الآخـر بتوصفنـي وفي الآخـر ماتعرفنـي
وهيـه اللـي خلتـنـي رسمت الغنوه والمـوال
وتوصفني بخليِّ البـال!
بالاقي الورد في خدودها تاخدني نسايمه بوجودها
ولمـا باشوفهـا تتبسـم ولمـا اسمعهـا تتكلـم
باحس كلامها ده غنوه بيحلا لقلبـي ترديدهـا
وفي الآخـر بتوصفنـي وفي الآخـر ماتعرفنـي
وهيـه اللـي خلتـنـي رسمت الغنوه والمـوال
وتوصفني بخليِّ البـال!
قولولها امتى حاتصـدق بأني في العيون باغـرق
وإني للزهـور عاشـق وعايش بالهوى رحـال
قولولها انهـا عمــري وساكنه ف قلبي وف فكري
قولولها إني باهـواهـا و قلـبي للقــا ميــال
قولولها ليه بتـوصفني قولولها ليه ماتعرفنـي
وهيـه اللـي خلتـني رسمت الغنوه والمـوال
وتوصفني بخليِّ البـال!
***
مـــع تـحـيـاتـي
عـاشــق الـــورد