القاعده الخامسه
الإشارات مش معموله علشان تنظيم المرور، معموله علشان شكل القاهره يبقى متحضر بس
اعتمد على العساكر (مع تحملك كامل المسئوليه لو واحد منهم شاور لك تعدي وبلدياته الناحيه التانيه فتح السكه للورى)او يفضل استخدام قاعدة البوز بيز
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
القاعده السادسه
اذا كنت مش واقف في الصف الأول في الإشاره اعمل حسابك تزمر بشكل متواصل وهستيري اول ما الإشاره تفتح، لأن الناس اللي قدام بيبقوا واقفين في الإشارة من زمان وجايز يكونوا ناموا
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
القاعده السابعه
معظم الحوادث تحدث في التقاطعات أول الإشاره ما تحمر ، كل ما عديت الإشاره الحمراء اسرع كل ما قلت فرصة انك تتخبط
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
القاعده الثامنه
الشارع مكان مقرف ، سوق بأسرع ما يمكن ختى تتخلص من هذا الهم بسرعه ، الناس اللي ماشيين بالراحه مرضى نفسيين بيستمتعوا بالعذاب يستاهلوا اللي يجرى لهم