صبـاح الخيــر والنـويــر...


الصـراحـه مـالقيـت عنـوان للمـوضـوع..لكــن..هو دردشه..وتبادل الأراء..


بسـم اللـه..

بينمـا انا أتصفح أحد المنتديـات...لقيـت..فيه بسمه في المنتدى..ضحكات بين جوانب المنتـدى..حسيــت كـذا..من خلال تصفحي للمنتدى وأقسـامـه..صحيح المنتـدى مــو قـديــم...ومـو جــديـد بنفـس الـوقــت..بس حسيـت فيـه ابتسـامــات..من هنا وهنـاك..ماأدري ليه ماحسيتها هنــا..يعنــي هنــا كل شيء جد..مافيه مزح..لاتضحك..خل موضوع بالجد..ولاتطلع خارج الموضوع...واذا سمح الله وطلعت عن الموضوع..ماراح أحد يعجبه الوضع..و...طيب ليش..؟.؟.؟


كتبنا بالترفيه...قالو ليه مهتمين بقسم الترفيه..وان الاعضاء يتهافتون على القسـم..وطرح موضوع في الشكاوي والاقتراحات..و..و...يعني مانضحك.؟.؟.؟...نكشر دايم...حتى الضحك..والابتسامه من اسرار الجمال..ودوام الصحه للوجه..

هذا اللي حسيت يعني...يعني كذا مره انا (والعياذ بالله من كلمة أنا)اطلع عن الموضوع.بصحكه..بنكته..شيء يلطف الجو...ماألقى المتقبل للخروج عن النص على قولتهم..وحصلت كثير..طبعا ماني زعلان..لكن ابغى اعرف السبب..هل سياسة المنتدى جديه ولاغير الجد..والمزح ممنوع..و..و..انا متأكد بأن الأجابه لأ...لكن ليه الاعضاء..او المشرفين مكشرين..ودايم حضورهم في الردود..جديه...أكثر من اللازم...أضحك تضحك لك الدنيا..(افلقني اذا ضحكت)..صدق...وزي ماأنتم عارفين الانترنت بشكل عام..ورواد الانترنت بشكل خاص اشخاص وشخصات يختلفون..بمعنى تلقى شخص..ربي منعم عليه بتقارب الاسره.بتفاهم الاسره..واشخاص لأ..اسرته لاسمح الله متفككه..و...و..وتلقى هموم الدنيا على راسه...ومشاكل....الـــخ....فيلقى الانترنت متنفس له...هالاشخاص راح يبحثون عن الابتسامه..عن الاخوه...عن اشياء كثيره فقدوها..واهمها ابتسامه..صادقه..تفك همه..وتفرج كربته...

يعني تحس المنتدى..زي الجامعه...والعضو لسا متخرج من الثانويه..وداخل الجامعه...يدخل المحاضره..رسمي..مايعرف أحد...و...وكل شيء جدي..لامزح..لاأبتسامه...لا...لا....وجالس يتلقى معلومات..من غير ابتسامه..او..مزحه...معلومات..معلومات..احفظ..أكتب.. ناقش...لاتروح..لاتطلع..لاتجي..سو كذا.لاتسوي كذا..واذا سويت كذا مارح احد يتقبل منك..و...و..

بعدين احس..(ياكثر ماتحس بعد)الغرور مسيطر على المنتدى..فلان الفلان مايضحك..جدي..ردوده تستم بالعقليه..وماادري ليش..على أيش ياأخ فلان..من تكون..كلنا عيال تسعه ترى...وكلنا من تراب..اذا ربي وهبك شيء..غيرك وهبه اشياء..ومتواضع...انا ماأقصد أحد..بس مجرد أحساس..واتمنى من الله أنه يكون كل اللي أحسه خطأ..وماهو صحيح..

ياجماعه..كيف حالكم؟.؟.؟

معليش على الصراحه..لاأحد يزعل...ترانا أخوان قبل كل شيء....

رابع..مادري كم..

أخواني المشرفين..والمشرفات..كيف حالكم.؟.؟.؟

لاحظت أن الجميع..الا أثنين أو ثلاثه..يتصفح المنتدى متخفي..طبعا من حقه..وله الحريه في ذلك..لكن انا لي رأي..وسبق طرحته على أخوي(لونلـي)..ابقوله لكم..واللي يصير يصير(الاخ بيحارب)...

ليه يامشرفين ويامشرفات..تتصفحون مخفي.؟.؟.؟

الأعضاء كلهم400...يعني..ماأحد راح يزعجك..او..غيــره...بس فيه اوقات..ماتلقى في المنتدى ولاواحد الا عضو متخفي..طبعا هو مشرف..لكن يتصفح متخفي..انا مثلا كازائر..واشوف المنتدى مافيه أحد..ماراح اتشجع..او راح نقطه سلبيه على المنتدى..ماادري كذا..تكون سلبيه على المنتدى...هل يعقل منتدى..مافيه اي واحد من الاداره متواجد.؟.؟او من المشرفين...‍‍‍‍‍‍‍‍‍‍‍‍‍‍‍‍‍؟؟؟

بالنسبه لي انا احط تصفح خفي لما أكون ماأشتغل على جهازي..او مسافر..او النفسيه تكون مش ولابد..اتصفح متخفي..لكن مو على طول..على الكثير اربع ايام..او خمسه..وهذي نادره..لكن بتصير...

هذا اللي عندي الحين...واذا فيه زياده..راح ارجع..وازعجكم فيها...




ياجماعه اعتبر الموضوع دردشه..أخوانيه..وديه...يعني كنا عائله..جالسه تشرب الشاهي..وتسولف...ويتبادلون الرأي فيما بينهم...

انا رأي يحتمل الخطأ..وغير الصواب...


واعذرونا على الأطالـه...


والسلام عليكم ورحمة الله وبركاتـه...




تحيــاتـــي..