انا ماني متحامل على الحريم (النساء)

بس جد هذا اللي اشوفة في الشوارع سواء عندنا او باي مكان ازوره

والشباب مو مقصرين وانا ما استثنيهم وخصوصاً اصحاب العضلات على قولتج
المغازلجية مشكلة ومصيبة بالشارع اذا كان يمشي بجانب سيارة بنت وكأنه مالك الشارع ومخلي الناس وراه طابور

مشكلتنا بثقافتنا من الداخل باحترامنا النظام بكل شي

واما همستج الله يكافينا الشر ولله الحمد ماقتلت اي واحد والله يبعد عنا وعنكم الشر

واما الحوادث ثلاث مرات بحياتي كلها وجميعها خفيفة
واحد وانا عمري 13 سنة واذكرها بعز الصيف والظهر وقتها الشمس حنانية
سرقت مفتاح سيارة سوبربان من ابوي واهو نايم
ورحت استعرض نفسي جدام الشباب واراويهم اني بطل وركبتهم معاي وقمت (اقحص) استهتر بالسيارة يعني رجال ههههههههههههههه
شافتني الدورية وشغلوا الفلشر وهني صرت مثل المجنون واطمر من رصيف لرصيف هههههههههههههههه
ليما وصلت راس العاير ودعمت سيارة جارنا ههههههههههههههههه بس رجعت بسرعة وطرت بالسوبربان لي داخل البيت وصكرت الباب عشان اذا مرت الشرطة ماتشوف
ههههههههههههههههههههههههههههه والحمدلله محد درى والشباب اللي كانوا معاي نزلتهم لما دعمت بسرعة وهددتهم اني راح اكسر راس كل واحد يعلم بشي.واطردهم من شلتي ومن حمايتي ههههههههههههههههههههههه حركات شباب وعنتريات وقتها هههههههههههههههههههههههههه هههههههههههههههههههههههه

والمره الثانية وعمري 18 سنه اذكرها امتحانات الثانوية العامة وبليلة امتحان الكيمياء دعمت بسبب رفيجي يراويني اوراق وما انتبهت للسيارة اللي جدامي انها هدت السرعة بسبة مطب ورحنا للمخفر وقعدنا لي الصبح ومن المخفر للامتحان على طول هههههههههههههههههههههههههه

والثالثه اندعمت من شايب قبل سنتين وقام يصايح علي بالشارع انتم يا الشباب ماتنتبهون وماتعرفون تسوقون يعني عور راسي واهو الغلطان يقولي ليش توقف , قلتله سيارة جدامي وقفت يقولي لا لا توقف دقله هرن واهو يطلع
الاكيد انه مو راضي يستوعب الظاهر شكله وقتها السيرفر عنده مهنق
وللمخفر لين قلت حق المحقق انا عندي اجتماع الحين بدأ ولازم اروح ولما قلتله الاجتماع وعرف وين اشتغل خلاني اروح والشايب يقول بالواسطة تمشونه قلتله شوف انا ماني متنازل وسيارتي لازم تصلحها بالوكالة وسيارتي جديده موديل السنه واسجنوه لين اردلكم هههههههههههههههههههههههههههههههه
الشايب صدق انهم راح يسجنونه هههههههههههههههههههههههه

بس والله جد المفروض المره ما تسوق سيارة عندنا بمجتمعاتنا
لانها تدوخ اهلها قبل الناس بسيارتها , اذا بنشر دقت تعالوا صلحوه واذا متعطله دقت تعالوا متعطله واخر شي يطلع مو عطل واذا حادث دقت واهي تبجي وتقول سويت حادث وحنا نخترع ونقول فيها شي واخر شي حادث بسيط جدا جداً يعني دوخة راس وغير لما تدوخ الناس بالشارع اما خايفة ومرتبكه او مجنونة سرعة وبالحالتين مربكه الشارع
يعني اهي والهندي والشايب نفس الشي هههههههههههههههههههههههههههههههههههههههههههه

بس مانقدر نقولها شي اللي تبيه يصير