تعبت اشكي
ممكن احكيلك شغلة؟
انت في الك حق عندي من زمان ولازم تاخدو
اذا بتتذكر
انا اول ما دخلت المنتدى
اختلفنا على شي
بس والله اني مش متذكرة شو هو
المهم في النهاية
حكيتلك انا يا استاذ ما بدي احكي معاك لانو انا ما بحكي مع شباب
وكنت غلييييييييييييييييييييييييييييييظة بوقتها انا بعترف
بس الصراحة هذا المنتدى هو اول منتدى انا بشارك فيه واخر واحد يعني هو الوحيد اللي انا مشاركة فيه
انا بجد يعني ما بحاكي شباب على ارض الواقع لانو هيك عاداتنا وتقاليدنا بتحكي
فكان شي غريب بالنسبة لالي اني احكي مع شاب
فانت كنت من اول الشباب اللي بصادفوني في المنتدى وطلعت القنبلة فيك
حظك يعني شو اعمل ههههههههههه
بس والله ما بعرف وقتها كيف حاكيتك انا اسفة بجد
بس انا لما حسيت انكم اخوتي
وطبعا بعد هذا المشوار الطويل في المنتدى من تعب وحكي ومزح وكتابة ومشاكل عابرة وحب لزميلاتي وصديقاتي واحترام لزملائي واخوتي
حاسة انكم كلكم اسرتي والله
وانكم كلكم غاليين على قلبي وهلا مش ممكن اقدر اعيش بينكم وفي حدا شايل مني اي حقد او زعل
لكن يمكن في البداية عشان كان الجو غريب علي
ومش عارفة شو او كيف لازم اتصرف
كنت بايخة معاك وتقيلة دم
وانا لازم اعتذرلك
وبحكيلك حقك علي وبتمنى انك تسامحني
واحنا كلنا هون اخوة
وانتو اسرتي
والزهرة بيتي
وانا ما بتحمل اني اكون غلطانة في حدا من اخوتي وما اعتذرلو
يمكن مش هذا المكان المناسب للاعتذار
لكن مش لاقية غيرو
سامحني
وبتمنى انو يكون قلبك كبير متل ما بعرفك
وبتمنالك التوفيق في كل مجالات حياتك
وتبقى على
طول في هذا التميز
وبستناك في شعر جديد