[ALIGN=CENTER] الكل غايب كدة لية
يا جماعة حسكم بالدنيا
خلتونى انفض الغبار من على الصفحات
عموما اتمنى انة يكون خير
ــــــــــــــــــــــــــــــــــــــــــــــــــ ـــــــــــــــ
يا ملكتى
انا فلان ابن فلان من رعايا المملكة
شفت وجه سموك ..
والجلالة وسط موكب انتكة
حسيت كأنى أقدر احبك
واقدر احظى كمان بقربك ... وحلمت ...
حلمت قال عرش الجلالة قلبى لية مملكة
قولى اخدت واديت ويا نفسى
وف عقل بالى قلت ياواد مبلاش وبطل هلوسة
اش جاب لجاب ... يابن الزبالة والتراب
دا انت فقير وابوك فقير وامك غفير
وانت نفسك مكنسة
تحب ملكة لوجة بدر وغصن بان
وعيون بتبرق ... دا انت حقة تتلهى
لك عيون عرفت تحب وتشتهى
اشتهيت من صغر سنى جزمة احمرة على ابيضة
من غير رباط
كنت اشوفها فى رجلين الولاد
اتمني ادوسها بس حبة انشالله ابوسها
تنى لما كبرت بس عزرت ابويا
عرفت معنى كلمتة
الحالة يابنى مقصيرة
والعين يانن العين بصيرة
والأيد خلقها اللى خلقها قصيرة
والنفس يابا كمان كسيرة .
ابن الوز طالع للى خلفوة عوام
فاتت سنين ياما ولا استعلينا بالجزم اعوام
عنوانى ...
عنوانى لو عزتنى ساهل
نوعى راجل ... شهرتى عبد غلبان
قولى بس هناك فلان
فول فلان ابن الحريتى
فول مدمس ... فول مدشش
فول وبس وفرش قش
يحنن ياملكة مدوكر
فقير يامولاتى جوكر
مالى كوتشينة حياتى مش با أش
املى نحسى ينكسر ويكون باءيدك
لما تبقى ياملكة سكتى وابقى طريقك
حلوة دى
ابن نكتة فهلوى قوى هيعجبك
ضامن انى بنظرة واحدة هشغلك
طظ فقرى وطظ ضهرى
اللى انكسر من كتر زللى
هل دا يعنى شىء ياملكة ...!!
راح تخلينى اتلهى ولا أحبكيش ... لا متخافيش
اصل انا صنف احب ولا اختشيش
من اول مابتدت السنين جوة منة فى العدد
من اول ما اتهجى الكلام قولو من يوم ما اتولد
مكتوب علية مبنى عظيم
هايفضل قابل للهدد .
اية جنايتى ان ابويا كان فقير
اتجوز امى خلفونى غصب عنى
رضعونى من لبن صنف تانى لونة بنى
انما ياخونا ملكة ... دهب عيار ...
اغلى عيار مش زى معدنا صفيح
ويقولى زى زيها
دم ولحم ... نازلة من بطن امها
ارد بس اقول اية ؟!
جزمة احمرة على ابيضة من غير رباط
ياريتها كانت كنت زطت وقلبى زاط
اخطفها واهرب ع الحصان واعملها الشاطر حسن
دا انا عمرى ماركبت حصان
ولا عمرى كان اسمى حسن .
ليا صورة من زمان ... واقف مانيش راكب حصان
جمب حيطة بارتعش
ورغيف مغمس كان بطين
تحت ضرسى بينقرش
حافى ولحافى الضل ... واحنا ف طوبة
وف عز ماكانت رطوبة
خايف وفزعان بتخنق
و عنية على الجزم اللى فايتة جمب منى وبتفلق
اقطم القطمة وادعى ع الكون يتحرق
يتهد فوقة وتحت تحتة
مدام دايسنى برجلة تحتة
مدام ناسينى ف ركن ضلمة بنفرس
وف عز غيظى ونقمتى
خايف يادوب على لقمتى لأبات جعان
لا حلمت مرة بالحصان ولا قلت فى عقل بالى
عاكس ياواد بنت الجيران دى كويسة
واهى على الأقل من توبى كانت مكنسة
انما يا خونا ملكة ....
ليها قصر وليها حاشية وميت بلاط
ياقلبى يا صعلوك اتلم
شم ...
وحب وموت ...
موتة ودفنة سودة
و انتهى .
ــــــــــــــــــــــــــــــــــــــ
شكلها كدة طويلة بس ياريت تعجبكم
ارق التحيات لكم .[/ALIGN]
توقيع : واائل رجب
رغم ان الأرض ماتت
رغم ان الحلم مات
ربما القاك يوما
فى دموع الكلمات .
ـــــــــــــــــــــــــــــــــــ
على رأى بلبلة الأسكندرانية
افففففففففففففففففففففففففففففففف
اعصاااااااااااااااااااااابى
|