كل عام وانتم بكل خير


******************[gl]اختلاف الجسد[/gl]*****************


خير يا قلبي علامك ما عرف عقلي خراجك ****وش بلاك تفز من بين الضلوع لكل هرجه

اختلاف الراي ياقلبي خنقني في عجاجك****ماخبرتك ياخفوقي ريشة في وسـط عجه

وش بلاك اتعبتني شبيت في صدري سراجك****كل مافيني فراش ويحترق لو زاد و هجه

هون الدعوى ترى ما حل فيني من نتاجك****الجسد كله تحت امرك ترفق لا تزجه

ليه يا عمر الجسد نبضك تعدى احتياجك****ليه عقلي ليه عيني ليه كلي جوف ضجه

وانت ياعقلي علامك كيف يتعكر مزاجك****ليه تفكيري معاك وانت غادي لك بسجه

خابرك للنايفات المعضلات تحط تاجك****فوق هامات الفكر مابين حل و بين حجه

تجمع الظلمه خرز تنظم بحبل افكارعاجك****تاخذ الفكره سكون وليلة الأفكار لجه

ليه ياعيني زلال دموعك يخالط هماجك****ليه جفني كل ما غمض سهر ليلك يهجه

ليه ياعيني على الأيام صكيتي حجاجك****شرعي باب الهدب تو العمر ما بان فجه

ليه عن حلو المنام تماطليني في هجاجك ****غمضي لي واسرجي حلم السعد محتاج سرجه

ليه يا نفس القشر للمهلكه ليه اندراجك****ماربح منهو قضى عمره على سجه ودجه

اعتدلتي اعتدل والله يكافيني اعوجاجك****العوج يانفس عايش كل عمره شبه نعجه

غايتي يانفسي الحلوه غرامي ابتهاجك****كم نفوس بايره ماتت على الزلات حرجه

فرحتي طيب النوايا وانزعاجي انزعاجك****صابر وكل على همه ملا بالهم خرجه

هم قلبي هم عقلي هم عيني مع هياجك****اصبري يانفس ياحلو الصبر لو طال نسجه

ياعنادك ليه يا نفس العناد اصبح سياجك****جاوبتني عزتي فوق الهموم بحر لهجه

صاح بي كل الجسد وين النهايه في حراجك****كل هذيك الهموم اللي تهد انسان سمجه

واختلفنا في جسد واحد مزاجي لامزاجك****قلبي و نفسي وعقلي فكري و عيني ورجه





نايف الحرف

naifalharf@hotmail.com
نايف الحرف