[ALIGN=CENTER]جواز عتريس من فؤاده باطل
واللى كتب الكتاب ماذون عاطل
دى جوازه اخرها الندامه
وحط تحت الندامه مليون علامه
ونفسى اقولك فوقى يا امى
جوازتك دى زودت همى
ده انتى حلوه وزى القمر
بتعرضى نفسك ليه للخطر
يااما كفايه حرام عليكى
هو احنا مش صعبانيين عليكى؟
ده احنا يا اماا املنا فيكى
تتجوزى اللى يخونوكى؟
هو احنا يا اماا عملنا ايه
مش كفايه اللى احنا فيه
ابويا مات بيدافع عنك
والتانى مات من حبه ليكى
وقلنا اللى جاى هيحمينا...ويحميكى
وفضلنا نحلم باللى هيكمل المشوار
ويفدينا ويفديكى
بدل النصر جالنا العار
والجرادل تفو عليكى
ياحسرة قلبى على اللى فات
حقق النصر....ومات
واللى علمهم ازاى يحترموكى
جوزك خلاهم ياسروكى
ويدخلوا بيتنا ويخونوكى
لو هيفضل جوزك هنا
يستغلك...ويستغلنا
هلم هدومى يا امى وارحل
واشوفلى مكان فى اى مطرح
فيه الكرامه يا اما متصانه
بدل الاستغلال والخيانه
يا اما احنا اولى بيكى
من اللى بيحوموا حواليكى
قوليله ايه اللى عنده
هيورث بيتنا لابنه؟
هى دى اخرتها يا اما
خراب وجوع ودموع وظلمه
يارب ارحم دموعنا
م اللى اشترانا وباعنا
فى النهايه انتى عيونى
ولا يمكن يوم تهونى
وما عاش اللى يذلك
والله يا امى بحبك
الجميل العبد الفقير
ارجوكى تعذرنى لانى مش قادره امسك نفسى
كلامك بجد بيستفز قلمى
تحيه عطره من القلب للقلب
دمت رائعا مبدعا
ولاء[/ALIGN]
توقيع : ولاء
|