منتديات زهرة الشرق - عرض مشاركة واحدة

حـــــازم · 28-10-02, 11:37 PM

[c]

ابي شمسي وتاهت في ظلام الوقت وشروقه
...........ابعرف وين شمسي شارقه والا معاد اشراق

عليل الوقت ياشينه في عمري ماخذ حقوقه
...........يسامرني يجاهدني صحيح الوقت ما ينطاق

ولي نفس(ن)تعاف الوقت لامن زادت عقوقه
...........يجاذبها الشقى يمه وهي للهم في اشواق

وبي عبره يحركها الزمن بالجوف محروقه
...........ابكتمها تفيض من القلم دمعه على الأوراق

كتاب العمر به صفحه من الأمال مشقوقه
...........غدت فيها رياح الوقت اخاف الوقت مني ضاق

مالي ربع ولا صاحب ولالي بنت معشوقه
...........بساعات الزمن تايه واعرف ان الزمن بواق

انا ياكم تحملت الخطا والناس من فوقه
...........غصب تدفعني الحشمه حيا والله ماهي نفاق

نسجت الحب لأهل الحب في جسمي من عروقه
..........واثر ماللغــلا فـيـهـم عــهــود(ن)لاولامــيــثاق

زمان وراح يا قلبي وكل(ن)باع في سوقه
..........وانا شايل خطا ناس(ن) تبيع الود والأخلاق

انا ياما سهرت الليل اجاذب همسه وذوقه
..........ومن حولي بنات الحور نطوي ليلنا بعناق

غلبت الليل بأفكاري وشعري تاه منطوقه
..........وبعثرت القصايد كود ابلقى بالقصيد اشفاق

اخذت من القصايد بيت همس الليل طاروقه
..........ولهمعنى مثل معنى اللقا في لهفة المشتاق

اشوف العمر قدامي واشوف دروب مطروقه
..........ابصبر والعمرهايم على دروب الرخى سباق

الا يانفس ياللي من صبر وجهاد مخلوقه
.........وش يضيمك ولك رب(ن) على العرش استوى رزاق

* * * * *

نايف الحرف

جمـــال الحرف

رشيق الحرف

اخي الغالي

السلام عليكم ورحمة الله وبركاته ،،،

عــوداً حميــداً أخي الغالي

وها أنت تعود يا رائــع الحرف وتنقل لنا كلماتك الرائعـــة

وتصافحنا من خلال جمال حروفك وإبداعك .

بكل إستحقاق والشهادة ستظل دوماً فارس زهرتنــا الأوحد

بنادر زهوك ورقي حضورك وشخصك

ويحتار دونك الغير ليهبوك وجيزاً من عطائك والكرم

لي العذر بالتقصير

ولك قصب السبق رونقاً وابداع وسجايا

فإعزازي والإمتنان

أخوك

حــازم

[/c]