[c]
امشي ولاادري وين وجهة مساري = حتى اللقا فيها يجي دون ميعاد
وحدي ولا ليه خوي امباري = فضلت خوتها من بلاد لبلاد
ومن حبها عندي تكون شعاري = صياد نقطه بين قوسين منصاد
وبغيابها يبدا مجال انكساري = باقف ونا بسال متى كيف تنعاد
لوهي تجي بالكيف لكمل مساري = ضليت احاول بس لاشك مافاد
طالت معاناتي وطول حصاري = كني بوادي والمخاليق في واد
احيان ياتيني شعوور انتحاري = احس صدري كل مافيه وقاد
تعبت لكني وصلت اختياري = قررت اصدر عقب ماكنت وراد
طويت وضع فيه طال اختباري = وش قلت يكفيني من الشرب مقصاد
واللي نويته بس رد اعتباري = ارد نصفي لو بقى نصفي جماد
****
أخي الرويلي..
مرحبا بهذه الكلمات في زهرتنا..
ومرحى لنا بهكذا شعور..وقلم..
سُعدت بأن أقرأ لك..
فدك
[/c]