|
نكت جدييييييييييييييدة...على الحيوانات
فار كل مايدخل الكازينو علشان يتسطل الفران الكبيرة تضربة وتخرجه برة، راح للاسد يشكى له، الاسد قالة "انا هاخدمك بس ماتنسانيش معاك، انت تكتفنى بالحبل وتسحبنى للكازينو هيخافو منك"، وصل الفار الكل رحب بيه "اتفضل يامعلم فار ياكبير الحتة" وقعد يشرب لحد ما اتسطل، الاسد قاله "ايه يافار ادينى شوية" الفار راح ضربه برجلة وقاله "المعلم فار ياد"
النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه
خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار
طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالوا لصاحبه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني ولما اصطاد الفريسه الكلب راح يزغرط
ليه النمله مابتخدش الفيل قدامها على العجله ؟؟؟ علشان بيلعب فى الجرس
فار وخطيبته ماشيين,شاف الفيل فحب يعمل منظر امامها,فقعد ينده علي الفيل ويقولوا "خد يا فيل انت أيوة انت يا حمار" واقعد يهزء فيه تاني يوم راح للفيل وقالو "معلش سامحني انا كنت بعمل منظر امام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي"
مره صرصار طلع من الخلاط قال يخرب بيت إللى يدخل الملاهى تانى
تلاتة صقور أغبية اتراهنوا على الى يصطاد أكبر حاجة، الأول راح ورجع وفى منقاره حبة دم قالهم شايفين الجبل الى هناك ده قالولوا أيوه قال قتلت وراه غزال والتانى راح ورجع وفى منقاره حبة دم كتير قالهم شايفين الشجرة الى هناك دى قالولو أه قالهم قتلت وراها نمر والتالت راح ورجع وكله دم فى دم وقالهم شايفين العمود الى هناك ده قالولوا اه قالهم أنا ماشفتوش
__________________
كلب جاله ذبحة صدرية ليييييه؟؟؟ بيهوهوا على واحد أطرش
صرصار قاعد مع مراته بيتفرجوا على التليفزيون جه إعلان البيرسول قالها اقفلى بسرعة مبحبش أفلام الرعب
واحد لقى صرصار بيجرى وراء مكنسة فسأله بتجرى وراها ليه قله أحسن المغفل شفط المدام
مره كلب فقد الذاكره ماشي فى الشارع بيقول هوهو لالالا طب نونو لالالا طب صوصو اةاةاة
مرة كان فى قردين واحد محظوظ والتانى تعيس الحظ في يوم كانوا رايحين يجيبوا موز من على الشجرة، القرد المحظوظ هو اللى طلع على الشجرة وجاب الموز والتعيس واقف تحت، فكان فيه أسدين ماشيين فقال الاسد الاول للتانى تعالى نضرب القرد ده (على التعيس الحظ)وراحو ضربوه. تانى يوم حصل نفس الحكايه وتالت يوم راح القرد التعيس قال للمحظوظ أنا هجيب الموز من فوق الشجرة المرة دى فعدا الاسدين تاني فراح قال الاسد الاول للتانى تعالى نضرب القرد اياه راح قاله التانى لا حرام تعالا نضرب اللى فوق المرة دى.
زرافة و فيل وأسد وفأر وثعلب وارنب ماشيين في الغابة , وقعوا كلهم في حفرة إلا الزرافة ,قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل، قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم .. قام الفأر نط مفزوع وقال لهم : اللي حيقرب من الأسد حيعرف شغله
__________________
بيقولك كان فيه واحد عنده كتكوت مفترس كل مايدخل قفص الفراخ ياكلهم والقرود ياكلهم المهم راح الراجل أخده و رماه فى الصحراء، جه بعد كام يوم الكتكوت صعب عليه رجع يجيبه لقاه نايم والنسور بتحوم حواليه قام قايل ياحبيبى انت مت قام الكتكوت قايم قاله يا راجل كده ينفع بوظت الكمين
قرد ودانة اتقطعت بص فى المراية قال يا خسارة الحلو ميكملش
واحد عندة أرض مزروعه جزر كل ما الجزر يطلع تيجى ارانب من المزرعة اللى جنبه وتاكل يتغاظ ويمسك الارانب ويسالها عملتو اية فى الجزر يقول الارنب اكلنا الجزر الراجل زهق وقرر يخلع للارانب كلها ضروسها وفعلا وبعد فترة طلع الجزر وفى يوم الراجل ملقاش الجزر اتغاظ وراح ماسك الارانب وسالها عملتوا اية فى الجزر رد الارنب وقاله عملناه ( عثير )
هههههههههههههههههههههههههههههههههههههههههه
ههههههههههههههههههههههههههههههههههههههههههههه
اتمنى لكم ضحكه من القلب 
التعديل الأخير تم بواسطة امل2005 ; 28-04-06 الساعة 06:19 AM
|