الجزء الاول



امل: لا لا مابي هذا اللبس لبسته الف مره ابي شي ثاني
الام : يايما ياحبيبتي منو اللي بيهتم الحين انج لابسته
امل : اففف يما تكفين مابي البنات كلهم كاشخين مابي انا هاللبس
الام : امري لله يعني مصره عالسوق
امل وشوي وتطير من الفرح : اي اي يما
الام : اوكي ياله روحي لبسي نروح السوق , والله بلشه كل ماعزموج احد من صديقاتج تبين لبس يديد
امل تضحك : بعد يا يما هذه مو اي عزيمه هذه العزيمه لانه احنا خلصنا الثانويه وانشالله الجامعه ها شفتي يعني احلى عزيمه صح
الام : اخ منكم يالبنات
راحت امل تبدل ملابسها ولبست لبس رياضي بس كان شكله كيوت وربطة شعره فصارت احلى واحلى J
اطلعت امل قبل امها للسياره وشغلتها وقعدت تنطر امها على ماتطلع لاحظت امل ان احد يراقبه ولا يطلع ولد اليران (الجيران ) (حمد) امل ارتبكت لانه هذه مو اول مره يطالعها كان دايما يخزه بنظرات غريبه كانها اعجاب او استغراب هذا اللي امل كانت تفكر فيه فحاولت انها ماطلعه لكنه قرب من السياره فصار قريب حيل منها وطق عليها الدريشه
اهني امل انصدمت وتقول بنفسها هذه المينون اشيبي افتحت امل الدريشه بارتباك وقالت له
امل : نعم
حمد: على طول نعم
امل متنرفزه : في شي اخوي
حمد : لا بس حبيت اسلم وابارك لج ابمناسبت تخرجج من الثانويه
امل : الله يبارك فيك
اهني يت الام وسلم عليها حمد
حمد : اشلونج خالتي
الام : هلا والله ولدي انته اشلونك
حمد : تمام بخير الحمدالله
الام : اشلون امك
حمد : زينه الحمدالله بس امي تقولج اشصار على الموضوع
الام : ها اي اي قوله تعطيني وقت لاني للحين مافاتحته
حمد : انشالله بس ياريت تستعيلين خالتي
وكانت امل تطالعهم وهي مو فاهمه شي
فقالت امل : شسالفه يما اشصاير اي موضوع
حمد ابتسم اما الام قالت : لا ولا شي سلامتج
قاطعهم حمد : ياله انا استاذن تامروني بشي
الام : لا سلامتك وليدي
حمد : الله يسلمج .. طالع امل وقال لها : وانتي امل توصين على شي
امل وهي منحرجه : لا مشكور
دخلت الام السياره وصكرت امل دريشتها المفتوحه وقالت
امل : يما شسالفه اشصاير
الام : اي سالفه
امل : يمااا علينا... هذه السالفه
الام وهي مرتبكه : يما ماكو شي حبيبتي
امل : ماكو شي ؟!!
الام : اي اي ماكو شي
امل : يما شنو ماكو شي تكفين انتي خاشه عني شي صح
الام : اف عليج يا امل شوفي طريجج وانسي الموضوع
امل عصبت اشوي وقمتت عمرها وتمت ساكته
ونزلو السوق واشترت امل احلى بدله وهم كانت ساكته ماتعلق طول الوقت اما امها فحست فيها وحاولت ترقع بس ماقدرت فقالت في نفسها
الام : حسبي الله على ابليسك يا حمد فضحتنا وقعدت تضحك بداخلها
وانشالله اذا اعجبتكم اكملها



الجزء الثاني



بعد ماردت امل من السوق راحت اصعدت لغرفتها وراحت تفكر بالموضوع
دخلت امها عليه وقالت لها
الام : اشفيج امل شنو ماعجبتج البدله
امل : يما انتي تدرين اشفيني
الام وهي مرتبكه : اي قصدج عن السالفه انتي شهمج فيها الحين
امل : يما السالفه مو هامتني بس اللي هامني اكثر انج خاشته علي وانتي ولا مره خشيتي شي علي اكيد الموضوع جايد ولا جان ماخشيتي علي صح يا يما ولا انا غلطانه
الام : لا غلطانه
امل : اشلون فهميني
الام : خلاص خلاص اذا تبين تعرفين السالفه راح اقولج اياها بس انا حبيت اخليها مفاجاه لج
باجر
امل : مفاجاه ؟؟؟؟؟ شنو يما شتقولين مفاجاه لا لا تكفين قولي لي شنو
الام وهي تضحك : في احد تقدم لج
امل بكل انصدام : ششششنو
الام : شنو اللي اهوه شنو اقولج في احد تقدم لج
امل : هي تبلع ريجها : منو منو هذا
الام : حمد ولد شيخه
امل : حمد اي حمد ؟؟
الام : هووو اشفيج يما عسى ماشر قاعد ااقولج حمد ولد شيخه ييرانا
امل مصدومه ولونها صار احمرر من الخجل : حمد ماغيره
الام : اي حمد ماغيره ليش سامعه عنه شي
امل : لا لا موسامعه عنه شي بس غريبه
الام : شنو اللي اهيه غريبه
امل : لا بس ماحسيت انه يبي يخطبني او . قاطعتها الام
الام : عن العياره اموله اصلن اهوه عينه ماطاحت منج قاعد ويخزز فيج
امل و ويهه حمررر : ها مادري
الام : المهم اشرايج فيه
امل : مادري يما انتي اشرايج
الام : لا انا مالي شغل انتي شوفي نفسج وقولي لي
امل : انزين عطيني وقت يما
الام : اخذي راحتج يا احلى عروسه
امل انحرجت ..
اطلعت الام وامل قاعده تفكر وتفكر
تعبت من التفكير فنامت
................................
في الصبح
اقعدت امل وراحت شافت امها بالصاله
الام : صح النوم
امل : صح بدنج
الام : ها حبيبتي تريقتي
امل : بسمالله يما توني قاعده مامداني
الام : زين عيل ياله روحي تريقي
امل : الحين ؟؟؟
الام : اي الحين
امل : ليش
الام : اي .. اليوم راح يزورونا ناس
امل : منو هالناس
الام : خالتج منى
امل : شنو شنو يما ماتدرين انه اليوم عزيمتنا عند بيت رنى
الام : اي لا ادري بعدين خالتج راح تيي الحين وتروح عالمغرب يعني مهي قاعده
امل : امممم صح
الام : تعالي ماقلتيلي وين صاير بيت رفيجتج
امل : ليش
الام : شنو بعد ليش مو تبين تروحين لهم
امل : اي .. لا يما اهيه ماراح تسوي العزيمه بيتهم راح تسويها بيت عمها العود
الام : اها زين وين بيت عمها
امل : اتصدقين يما مادري ماسالتها
الام : الحمدالله روحي روحي دقي عليها
.....
راحت امل تدق على رفيجتها رنى
رنى : الوو
امل : هلا برنى اشلونج
رنى : تمام ها اليوم راح تيين انشالله
ام ل : اي راح ايي بس انتي وين صاير بيت عمج
رنى : اهوه نفس منطقتكم شارع ( الفلاني ) منزل ( الفلاني ) ..
امل مصدومه : شنو شنو هذا بيت ييرانا
رنى : ليش انتو اي قطعه
امل : بهذه القطعه وبيت عمج اجبال بيتنا بالضبط
رنىتضحك : زين عيل انا استاذن تدرين قاعده اجهز
امل : اوكي ياله باي
رنى : باي
...
راحت امل عند امها ركض تقولها انه العزيمه ببيت شيخه
الام : سبحان الله طالعي الصدف
امل : اي J
...........
راحت امل لغرفتها وتذكرت حمد وقالت : يارب مايكون موجود ليلتها
.................................................. ....
اشوي ولا جلرس الباب يدق
..
تدخل الخاله وتسلم على ام امل وبنتها
وياخذهم الوقت بالضحك والسوالف لين ماراحت خالتهم
.......
اما عن مل راحت لبست بدلته اليديد
وكانت طالعه مثل القمر واحلى بعد
ونزلت شعرها الحريري االادعم مع اعيونها العسليه واطلعت صج قمر
.........
انزلت امل تحت وامها خذت تقرا عليهم المعوذات >>>هههههههههه عن الحسد J
الام : ديري بالج على نفسج حبيبتي
امل : انشالله يما
راحت امل بخطوتين لبيت العزيمه وكانت رنى باستقبالها دخلت امل الصاله وكانت فاضيه فراحت المرر اللي يوديي للقاعه قعدت امل مع ربعها الباجي وخذو يسولفون ويضحكون
امل لرنى : ابي حمام رنى
رنى : شوفي اهوه اخر المممر مني مو بعيد
امل : تعالي معاي رنوو
رنى : امول روحي بروحج مستحيه من منو
امل : لا لا تعالي معاي
راحت رنى مع امل للحمام
دخلت امل وقالت لرنى انها تنطره بهلحظه نادت ام رنى بنتها وقالت لها تيي
فراحت رنى .. ولما اطلعت امل من الحمام مالقته فارتبكت ومشت بالمرر عشان تروح القاعه فضيعت الطريج وكانت اشوي وتبجي من الارتباك اشوي واله تصادف حمد اللي كان بيده كمبيوتر عطلان وتدعم فيه دعمه قويه فطاح عليها الجهاز وطاحت المسكينه طيحه قويه من قوة دفع حمد لها وهو مايدري
.................................................

الجزء الثالث


وطاحت المسكينه طيحه قويه من قوة دفع حمد لها وهو مايدري
حمد ارتبك وقام نزل عمره ومسك ايد امل اللي بقت تبجي من الطيحه وعينها ادمعت بروحها من العوار اللي صار بيدهاو ريلها اليمنى فقومه حمد لانها ماقدرت تقوم من العوار
حمد: سلامات سلامات اسف ماشفتج
امل باحراج وارتباك وخوف وكل المشاعر : لا مو مشكله
حمد : اسف امل ماكان قصدي
امل وقلبه يدق بسرعه : عادي عادي
حمد : عسى ماتعورتي
امل والبجيه اشوي وتطلع : لا ماتعورت >> حجي
مشت امل بتروح للقاعه فماقدرت اتوازن من عوار ريلها فطاحت عالارض
حمد : امل امل .. وراح لها وقالها : امل تعبانه اوديج الطبيب اناديلج رنى
اهني بجت امل وعينها تدمعع
حمد وقلبه انكسر عليها : امل بس قوليلي شاللي يعورج وانا الحين انادي لج رنى
امل : ماني قادر امشي ماني قادره
حمد: لحظه بس الحين انادي رنى
حمد : رنـــــــــــــى رنى
رنى يت واهيه مخترعه : شنو شسالفه .. وشافت امل عالكرسي وتعبانه حدها
حمد : طاح عليها الجهاز
رنى وهي مخترعه : شنو .؟؟؟؟؟؟؟ امل اشلونج الحين امل
امل وهيه تغمض عينها وشعرها طايح عليها ماقدرت ترد لانها صج كانت تعبانه واخذ صدره يتنك بقوه لانه الخوف اللي صارلها لما ضاعت اثر فيها والطيحه بعد ماقدرت اتحمل
حمد اللي كان حده ويدمع لحالها : خنوديها الطبيب رنى
رنى : اشلون واللي عندي بالقاعه ماقدر اخليهم
حمد : تدرين اشلون خنوديها البيت عند امها
رنى : البنيه بتختنق ياحمد ؟؟؟؟ L
حمد مرتبك : نادي الخادمه تشيلها معاج لي بيتهم وراحو لبيت امل
وتفتح لهم الام الباب
الام : اصرخت : بنتي اشفيها
كانت امل اشوي وتموت كان نفسها كلش وصل حده
حمد: امشي خالتي نوديها المستشفى
الام : ياله ياله
وراحو المستشفى وبالطريج كانت الام تبجي على حالل بنتها اللي كان نفسها مخنوق وكان لنفس بينقطع عنها
وصلو المستشفى
...............
بعد ماوصلو ورجعت حالت امل الطبيعيه
راحت الام للدكتور تسال عن امل وحمد كان واقف يطالع :
الام : اشفيها بنتي يا دكتور
الدكتور : ابصراحه فيها كسر بريلها اليمنى اهيه شكله طايحه !
الام وهي منصدمه اما حمد اللي حس بالذنب : شنو شتقول دكتور؟!
الدكتور : هذه اللي كاتبه الله وانشالله اتعافى بس حالتها الصحيه تمام
الام : واشلون عن الاختناق اللي صار لها
الدكتور : هذا عادي بس المفروض يكون عندكم كمام لها بالبيت علشان هذه الحاله يمكن راح ترجعله مره ثانيه اللله لا يقوله
الام : ليش يصير لها جذي يادكتور
الدكتور : بعض الاحيان يكون من التعب فما تقدر اتنفس بشكل طبيعي
حمد : اشلونها اهي الحين دكتور
الدكتور : ايه الحين تمام بس حاطين لها كمام وتقدرون تاخذونها الحين
الم : وينه اهيه
الدكتور بهذه الغرفه دشو شوفوها
دشت الام وحمد وقف عند الباب
لمت الام بنتها وقالت لها : ها اشلون لعروسه الحين
امل بخجل : الحمدالله يما
حمد: الحمدالله على السلامه امل
امل اللي انحرجت من حمد : الله يسلمك
حمد : يالله بلا دلع امشي جدامي نرجع البيت
الام وامل اقعدو يضحكون على كلامه
اما حمد اللي قاعد يحاول يتستظرف الجو كان حاس انه اهوه الذنب باللي صار كله
.............
ركبو السياره ووصلهم للبيت
الام : مشكور يا حمد ماتقصر
حمد : حياج خالتي احنا حاضرين
الام : الله يخليك لنا
دخلت الام البيت ووراها امل بعكازاتها
اشوي ولا تطيح ماثبتت وامها دخلت ماشافتها اما حمداللي صفط بيتهم اللي اهوه جبال بيت امل شافها وراح لها مسرع يساعدها
امل انحرجت وقال ت : مشكور حمد
حمد : العفو ولو
قعد كل واحد يطالع الثاني وبسرعه مشو عن بعض
اشوي قبل لا تدخل امل البيت نادت حمد
حمد : هلا امل
امل : امم لا خلاص ولا شي
حمد : واللي في عينه كلا م: امم براحتج بس دريتي بالموضوع
امل حمر ويها وابتسمت ونزلت راسها
حمد ضحك وابتسم وقال : اشرايج بالموضوع
امل : .............. ؟



عشان أحط ليكم المرة الجاية بعد جم جزء

ثلاثة أجزاء
و عاد إن شاء الله تعجبكم

من شافني يقول وش هالغرور ....حلاتي باينة بعيون الحضور