قصيده الشاعر :سلطان بن بتلاء

كان بعت المـوّده عـاد وش يعنـي؟
نفسٍ تبي البعـد ترحـل واذنهـا معهـا

لاتحسـب انـك لياقفـيـت توجعـنـي
وانـا لـي شهـور متّوقـع وبايعـهـا

يوم اني اقول يابـن النـاس طاوعنـي
دربك غلط وانتصيتـه وانـت تسمعهـا

ظعـت وبغيـت بعمـا رايـك تظيّعنـي
والحـمـد لله يـــوم الله سنـعـهـا

تدري وش اللي دبل( تسبدي) ولوّعنـي
وشلون صدّقـت كذبـه وانـت بادعهـا

تقـول :ابـي البعـد لكـن لاتقاطعنـي
جملـه محـال ٍ علـى العقّـال تبلعهـا

قبـل تجينـي معّـود لـي تراجعـنـي
اوقف مع النفـس فـي ذمـه وراجعهـا

قالـوا لـك ان المفـارق راح يدفعنـي
احبـك اكثـر ومـن نقصـك تطاوعهـا

ماهي سوالف تـرى يالغـادي المعنـي
يعني (مـع الخيـل ياشقـرا) تتوبعهـا

وان قالـوا تحبـه ابـا اقـول ولعنـي
بـس البشـر مااتحكّـم فـي طبايعهـا

تبغى البعاد؟؟ ارو مني بعـد واشبعنـي
كلمـة رجـل لانطـق ماعـاد يتبِعهـا

للـي ليامـن نـوى مــره يدلعـنـي
دور كبـار المصايـب لـي وجمّعـهـا

خــلاص روّح بفـالـك لاتودّعـنـي
واذا هدفك الصور مسموووووح قطّعهـا

لاعـد تعـذّر بشـي انسانـي ودعنـي
مليـت اسايـر خـرافـات ٍ تصنّعـهـا

شوفتك هالحيـن ابـد ماعـاد تنفعنـي
ان كـان ماتنبـش جروحـي وتوجعهـا

فراق ، ظيقه، هموم، دموع، وش يعني؟؟
بسلّـي النفـس عنـك بشـي ينفعهـا

في جفاف العمر.. من قيض الملل....
توســـم قـــلــبي... بقلــــــــبك ربيع
يوم شفتك شي بشرني حصـــــل ...
هو لقيته عنه ما يمكن أضـــــــيع...

في ثواني كل شي.... ناقص ...كــــمل
وكل مبعد عاد لدروبي.... ســــــــريع
مستحيل ..وممكن.. وصعب ..وسهل..
كلها لأمر الهوى تخضع تطــــــيع...