[c]
دللوني ياهل الهوى
الغالي فين الاقيه
وامشي بلاد وبلاد
حتى الهلاك امشيه
واجمع له ورد الجناين
بالحب اقوم واهديه
وان كان في ضيقة والم
بحياتي اروح افديه

اصل انا عايش عشانه
بارتوي بعطفه وحنانه
وان سقيته كاس محبه
امتلك قلبه ولسانه
وكل مايشرب ويشرب
التقيه باح عن غرامه
والتقية وبخط ايده
انه زاد شوقه وهيامه
وانه مايستغنى عني
وانه صادق في كلامه
عشت بالفرحة واغني
اكمني عايش في كيانه
بس ياخساره اختفى
ومقالش ابدا عن مكانه

هوه عايز يختبرني
ويشوف هوايا قد ايه
لأ مالوش حق ف عمايله
وكل عمري بين ايديه
يسأل الأيام تقول له
يسأل الذكرى تناجيه
يسأل الحرمان ف بعده
قد ايه قلبي يقاسيه

مش ح اصدق انه عايز
يختبر حبي وهوايا
وازاي اصدق لأنه عارف
ان قلبه عاش معايا
عاش ينور سكتي
عاش وخلا دنيتي
دنيت فرح دنيت مرح
دنيا طايرة في سمايا
بس ياخساره رحل
مع انه كان اليوم معايا
مع
عاشق الورد
[/c]
[FL=http://www.geocities.com/hamgad2000/delloony.swf] width = 400 height = 400 [/FL]