23-02-05, 04:40 PM
|
#7
|
رقم العضوية : 555
تاريخ التسجيل : Dec 2002
عدد المشاركات : 17,881
عدد النقاط : 10
أوسمة العضو
لاتوجد أوسمة لـ أم متعـMـب
|
 |
|
[ALIGN=CENTER]
مساء اليوم وبرعاية خادم الحرمين الشريفين وتشريف سمو ولي العهد ..
أوبريت (وطن المجد) صورة شعرية موسيقية ممتزجة بالدراما للاحتفاء بعشرينية الجنادرية والتغني بالوطن وأبطاله ومحاربة الإرهاب
من كلمات اوبريت (وطن المجد): .
يا دارنا مجدك فخر كل الأجيال
كل الخصال الطيبة تنتمي له
عبدالعزيز اللي بلا ند وأمثال
من فجر ميلاده لساعة رحيله
عبدالعزيز وخير ما عنه ينقال
هو معجزة جيله وما بعد جيله
سن الطفولة عاشه بعزم رجال
عن اللهو غايات فكره تشيله
لا أعياه تفكيره بتغيير الأحوال
جبر عزاه بركعةٍ وتهليلة
متذكر ميراث الأجداد الأبطال
ورياضه اللي عقب فقده محيله
***
يا نخيل فوق وادي حنيفة
طلعها من وقت ماهو لاهلها
هبّ لك من شرق ريح عنيفة
ساقت مزون يروّع هللها
أبشري به يالجبال المنيفة
سيل أحزان القلوب يغسلها
جاك للمجد السعودي خليفة
الهقاوي فاقها ما خذلها
عقب تخطيط العصا سل سيفه
وانتخى في عزوة ما جهلها
***
من السّيف غرَب ما تسمع للاقوال
كن المسافة كلها تنطوي له
سرى وصابح طيبة الفال والحال
بفتح الرياض اللي بها طال ليله
يوم أحكم القبضة عقب فر وقتال
أنهى معاناة السنين الطويلة
وصار الكلام اللي بلا رد وجدال
أمان والحكم استعاده سليله
والجفوة اللي بين ساكن ورحال
أزالها اللي كل شر يزيله
توحدت باقوى علاقات وحبال
العروة الوثقى وخير الوسيلة
***
بالفعل ترجم كلامه
عدل واحسان وشهامة
وانجلى ليل الجهل
والصعب عود سهل
تشهد جبال اليمامة
من بها نادي المنادي
الأمن والخير سادي
والزعيم أدرك مرامه
من بحرها لي بحرها
فضل أبو تركي غمرها
وارتفع للمجد هامة
صارت الأهداف وحدة
واكتمل ميلاد وحدة
هامة المجد وسنامه
***
ورحل عزيز الجاه
رحل.. عسى مثواه
في روضة الجنة
وعز ولد للدار
في يوم ميلاده
بعد رحيله صار
في عمره زيادة
حمى العرين أسود
من خيرة آل سعود
والشكر للمعبود
والفضل والمنة
***
واصلوا ركب المسيرة
عزم والهمة كبيرة
درب واحد
قلب واحد
ما لغير العدل سيرة
وابتدا البنيان يكبر
لين جاوز حد غيره
علم..
وصروح..
ومعالم..
وسيف يردع كل ظالم
والوطن غانم وسالم
كل يوم يزيد خيره
دين..
واخلاق..
وتعامل..
للسعودي وصف كامل
والأمن وارف وشامل
في ربوع أعز ديرة
***
والمجد صرحه في يمين الوفا طال
وصار الملاذ اللي عزيز دخيله
ما لغير العدل سيرة
وابتدا البنيان يكبر
لين جاوز حد غيره
علم..
وصروح..
ومعالم..
وسيف يردع كل ظالم
والوطن غانم وسالم
كل يوم يزيد خيره
دين..
واخلاق..
وتعامل..
للسعودي وصف كامل
والأمن وارف وشامل
في ربوع أعز ديرة
***
والمجد صرحه في يمين الوفا طال
وصار الملاذ اللي عزيز دخيله
في ظل شيخ للعرب عز وظلال
وفودها في كل ظرفٍ تعنى له
والدار صارت نهضته مضرب أمثال
حول صحاريها جنان ظليلة
له الولا.. له المحبة والاجلال
بعيد نظرة والفعايل جزيلة
يدوم عزك يا فهد
يا خادم البيت الحرام
وبخدمته نلت الوسام
غلاك يكبر كل عام
بقلوب شعبك يا فهد
شعبك على العهد القديم
وافي ويرفض كل ضيم
واصل على النهج القويم
ويدوم عزك يا فهد
ويدوم بك عز البلد
***
وولي عهدٍ له ذرى المجد مدهال
شيخ تميز بالندى والفضيلة
بحزم وعزم عن منهج الحق ما مال
يوزن بعقله عدل فكره وميله
بالحلم حلال وبالحزم فتال
كل المزايا الطيبة فيه أصيلة
***
والنائب الثاني له المدح ينهال
حيثه رجح بالمجد والجود كيله
اللي نصاه يشوف بحجاجه الفال
ويمناه مثل الوسم ديمه وسيله
له مجلس دايم للاخيار مدهال
ومن ضاقت الدنيا بوجهه يجي له
***
عشرين عام بها المكان
نقرا تفاصيل الزمان
اللي جمع كل القلوب
وتوحدت فيه الدروب
على المحبة والأمان
نقرا بتاريخ الوطن
سطور بالصدق اشهدن
للي سبق ركب الزمن
وغير تضاريس المكان
هنا صدى صوت الجدود
هنا بعض معنى الخلود
هنا الشهادة للجهود
تفوق عمر المهرجان
***
من خرج عن صفنا ما حسبنا له
ومن بفكره ضل ما ينحسب منا
جمعنا منصور والخارج لحاله
طاوع الشيطان ثم انعزل عنا
عاش ذل الخوف والعز ما ناله
لو هتف له كل مشبوه ومجنا
والوطن بالعسر واليسر حنا له
بالثوابت كلها ما تهاونا
بالعدل كل نجازيه بافعاله
عزنا بالله وأهل الوفا حنا
يا حماة الدار يا قادة أبطاله
من يخون الدار ما ينحسب منا
***
ما قبلنا الضيم من يوم كنا
ولا خضعنا إلا لرافع سماها
ما نساوم في حماية وطنا
دارنا دايم عزيز حماها
يامن الخايف الى من زبنا
يشمله ظل الفهود وذراها
*****
يا وطنا كم نفوس تمنا
ضيمك وربي يخيب رجاها
عزك آل سعود والجند حنا
عين خصمك من يدينا عماها
المصدر : جريدة الرياض السعودية
(`'•.¸(` '•. ¸ * ¸.•'´)¸.•'´)
«´¨`.¸.* مع التحية : أم متعـMـب *. ¸.´¨`»
(¸. •'´(¸.•'´ * `'•.¸)`'•.¸ )
[/ALIGN]
|
|
|