اهلا بكم احبتي في مشاركتي الثانيه..................

هذه اول قصيده لي .........................................

شخص عزيز سالني وش عندك وشهي قصة حياتك وليش دايم زعلان، قلت له:



لو قلت لك قصة حياتي بالابيات
..........كان ادمعت عينك بدل دمعها دم

محبوس منها داخل العين عبرات
..........وقلبي فذكراها حزين ٍ ومغتم

قصة تعاسه حزن الام واهات
..........جرح وعذاب القلب هم وراى هم

انا السعاده انتظرها ولاجات
..........وكل مأقبلت فرحه تعود ولاتم

مكتوب انا اسهر باليالي ولابات
..........اجمع بقايا انسان تاه وتحطم

تاهتبي ادروبي بدنيا المتاهات
..........تايه ادور نور ٍ بليل ٍ اعتم

انا قتيل الهم عايش ولامات
..........الروح ماتت مابقى غير هالجسم

مرات انا ابكي الهم واشكيه مرات
..........ومرات اقرر انتحر لكن اندم

حتى الصحيب اللي معي بالمسرات
..........راح وتركني هون وصد ماهتم

انا المعنى شاعر الحزن بالذات
..........شاعر وذقت فدنيتي مر علقم

هذي حياتي بين حرف ٍ وكلمات
.......... ياللي نشدتيني انا ليش مغتم




وشكرا لكم.......................



اخوكم المحب لكم دائما.