شفتها بلليل تمشي في مهلها
___________________قلت اروح اشوي اتكلم معاها
قبل لاوصل عندها قلبي وصلها
__________________يوم شفت عيونها ذبت بهواها
لاحشا ماريت في الدنيا مثلها
_________________ولو بلف الكون ما بلقي شراها
يوم تحكي ياخذ فؤادك خجلها
_______________ويوم تسكت خاطرك يسمع نداها
الشفايف من الحلي يقطر عسلها
________________والعيون السود تذبح من حلاها
ليتني ياناس في الدنيا اهلها
______________كان يرخص عمري الغالي فداها
هي حياتي ومنيتي ولا اقوي زعلها
_______________حبها في القلب واتمني رضاها
ليتني طول العمر جار لاهلها
_____________لجل عيني تشبع من شوفة مناها
ساكنه بوسط الحشا دايم محلها
_______________وكل يوم يزيد في قلبي غلاها
الله الله الله
صح السانك اخوي اسير الحب
كلمات جزله وقويه
بانتظار جديدك القادم اخوي وياهلا
|