السلااااام عليكم ورحمة الله وبركاته


كيفكم كلكم وش أخباركم ان شاء الله تمام >> لاسنتوب هع هع هع (عشان ماتقولون وش دخل ام السنتوب في السالفه اقولكم ان تمام نوع من العصائر المغثه اللي تقعد على الكبد) ما أحب أترك لغيري فرصه لنيل مني نيهاااااااي ..


نخششش بالموضوع سيده:


الطفل هو كائن حي يجي من بطن امه<<< قولي قسم
وبعد مايجي يفرحون اهله فيه ويختارون له اسم

الأبو// الله واخيرا صرت ابو.... حمود صديقي موهب احسن مني..
الام // الحمدلله ياربي صرت ام وبيحطوني بجوالاتهم( ام هاني) بدل (سوير)

الابو // بسمي على ابوي عشان يقولون ابو مطلق جا.. ابو مطلق راح... ابو مطلق صار عليه حادث>> كخخخخ فال الله ولا فالك يالبومه


الام // ماعاد الاهي تسمي على ابوك من زين اسم ابوك اجل حنا بالقرن 21 واسم ولدي مطلق ؟!!

الابو // وش تبينا نسميه انتي ووجهك ؟!!
الام // هـــــــــاني
الابو // انا ولد ابووووووي ..علي الطلاق مايسمى الا مطلق...
الام // علي الخُـلع مايسمى الا هاني>>> كخخخ مب هينه هالحرمه ههههههاي

وحصل الطلاق بعد هوشه وطق وطقيق ولم يحدث الخُلع لانه للحين ماتطبق بالمملكه.
وانتهت حياة هذي الاسره الصغيرونه بسبت مطيلق الصغير
.
.
.
اسره ثانيه جالهم بنت الام احتارت ماتدري وش تسمي بنتها

واسماء البنات الحين صايره حوسه يعني أي حرفين يتجمعون يصيرون اسم بنت
الام في حيره من امرها
الابو ساكت يخاف يكح وتسمي الام بنتها (كح كح )>>> صيغة مبالغه كخخخ

الام زادت الحيره عندها..
الابو // اقول يابنت الحلال خل نسميها ساره على امي>>> يتميلح وياكثر اللي يتميلحون عند هالسالفه ..
الام // لالا اسم ساره ماحبه..
الأبو/ المهم وش تبينا نسميها ؟
الام // ياراااااااااااا..>>>شاطحة بالمره كخخخ
الابو // يجيب الله مطر..
الام راحت لاهلها لن عادتهم ان اللي تولد ترووح لم اهلها وتبلشهم بالصب والداخل والطالع

على اساس ان بنتها اسمها يارا..
الابو يؤمن بالمبدء القائل (( اذا غاب القط العب يافار))
ويوم غابت قطوته قصدي زوجته راح وسجل اسم بنته ساره على امه>> كخخخ ذيب
الام وداها اخوها للمستشفى عشان يطعمون سويره الصغيره ..
تفاجئت الام ان بنتها اسمها ساره موهب يارا *..
الام عصبت بالمستشفى وحطت حرتها بالممرضين السعوديين اللي توه جايهم التعيين(كخ أحسن الله عزاهم اجل ) كخخخ
وبعد مامسحت فيهم بلاط المستشفى راحت للمحكمه وطلبت الطلاق ..
وانتهت هالاسره هالصغيرونه بسبب سوسو الصغيره..
قصص صدقيه ميه بالميه ولاتخاف ياحليب السعوديه <<< وش دخلها ذي..

مصير مطلق وساره :

مطلق ((هاني سابقا )) امه تزوجت وابوه سافر للخارج وسكن عند عمته..
ساره ((يارا سابقا )) تزوجت امها وراحت للجنوب وتزوج ابوها وراح للشمال

وقعدت هي بالوسط عند جدتها اللي يالله تبزا عمرها

.
.
.
عوايل انتهت بسبب اسامي

المشكله هنا ماهيب في الاسامي المشكله هنا في عقول الام والابو اللي موهب قد الزواج

تزوجو وهم للحين مافهموا وشو الزواج <<< الله عليك يالفاهمه .

الزواج موهب حب وعشق..


مستحيل يصير بين الزوجين هالشي وحتى اذا صار

مستحيل يستمر اللي يستمر هي اشياء ثانيه تعوض عن الحب وهي:

1// الموده .

2//الرحمه .

3//التضحيه.

اذا اجتمعت هالثلاثه .....هنا بس جيبوا عيال لنكم قدهم وقدود..
واذا ماتوفرت فيكم هالشروط يمدحون حبوب منع الحمل..>>> كخخ ماقلت شيء هع هع

وقبل لاأنسى حبيت أقولكم:


الموضوع( ملطوش مع التصرف ) بس أشتهيتكم تقرونه معي >>> كخخ الغايه تبرر الوسيلة ..(الوسيله ولا الجزيره هع هع هع)

و لكم بعنف ..

:pcring: :pcring: