[c]مكانك بالعيون اللي تمنى شوفتك بشفاق **مثل ماهو علـى خبـرك يفـوح بريـح ريحانـه


حبيبي ماسكن قلبي سوى حبك ولاحداّ لاق **مكانك مثـل ماهـو ياعنـب عمـري ورمانـه


ترى لولاك ياملح الحيـاه العمـر ماينطـاق **حياتـي مالهـا معنـى بدونـك مالهـا خانـه


وش الدنيا سوى لحظة لقاء يامعذبي وعناق **وش الدنيا سوى دمعه وعين تحـب سهرانـه


حمى الله مبسمن خايف من الضحكه يجيه ارهاق **حمى الله نظرتن تجمع هناء العالم وحرمانه


اببعد بك عن عيون العذول بداخل الاعماق ** اخاف تشوف حسـادي ورود الحـب رويانـه


انا مثل البحر يغّرق ليامنه بغى الاغراق ** ولكن لاعشقـت اعطـي حبيبـي بالوفـاء دانـه


حبيبي ماحدن قبلك ولابعدك على الاطلاق **عطاه الطيـر لاجـل الحـب تغريـده وجنحانـه


عسى الله لايوفق من تمنى لك ولي افراق **عسى الله يحرمه من والديـه وشوفـة اخوانـه
[/c]

عينــي ترف وكــل شيً طرالي * إلا حضورك ماخطرلي علــى بال

يامرحبــابك يامحـشم وصالي * عد النــجوم وعد مال ادم عيــال

تعال احــطك فوق راسـي عقالي * دامك عـى شاني تحملت الاهوال

واللي خلـق شمسي وحطك ظلالي * انك مناي وحلـم عمري والامال

وحشتني واشغلت بالحيل بالي * تعال احــبك يابـــعد كل الازوال

عهدً عليه يحاسبون الرجــالي * ان خنت انا يابنـــت مانــي برجال