يفده من حريمنا كل الازوال
اللي هذولي كلهن من خصاله
اللي حياته خدمة الزوج وعيال
يمضي نهاره تدهر مع عياله
مستورة ما طبت السوق تختال
زايد حياها وتستحي من ظلاله
أديبة ماتنقل القيل والقال
ما جابوا الجيران سيرة مقاله
نظيفة مكانها يشرح البال
قدام بيته ما تشوف الزبالة
ثقيلة ما تعرف بيجر وجوال
من حشمته دايم عليها جلاله
صبورة إلى من الزمن والدهر مال
ماهي من اللي غرها كثر ماله
في مطبخه ومن البصل كحلها سال
تطبخ وتنفخ حي فاله لحاله
الزين ماهو مطلب بكل الأحوال
لصر به شئ يعوض بداله
تستهل التقدير منا والإجلال
حافظ عليها لا تدور بداله