|
جفه(شعر شعبي عراقي)
جـِفَه
ـــــــــ تـَعال إزرَعني سِنبِـِل شوق شـَمِع يـِضوي عَتِم ليلَــك تـَعال أفرِش وَرِد روحي وِإردِس حيل كِل حَيلَــــــك تـَعال أنصاغ إلك جـِنجـِل فَرَح يـِطرِب مِشاويـــــرَك تـَعال إفتِق إجروحي إوشوف كِلهِن مِن سِبَب ويلـَــــــك تـَعال إشرِكني وَي ظـَيمَك عَني إوعَنَك أب?يلـَــــــــك تـَعال إوحِطني تـَرجيَه حَدر إذنـَك تِغَنيلـَــــــــــــك دَمِع بِيَه إلوِصالَك فيض خـَنيَب تـَطني مِنديلـَـــــــــك وِلـَك مُرني إبحِلِم خُطار مِنـَك عِندَك أش?يلـَـــــــــــك خِطني إبدَفتـَرَك ?ـِلمَه عَجـِز غِنوَه إبمَواويلـَــــــــك وَأدور إبدِنيـِتـَك ناعور يـِسقي إلماسِقاه سيلـَـــــــــك نِطَرتـَك مِزنـَه لَسنيني يُمطرني وِفه إسهيلـَــــــــــك رُبـَة عيني إويَ عمرَك شوق إبحِظن إمَك وَلوليلـَـــــــــــك يـِنين إبهَزَة الكاروك بالحُب كـِنت أناغيلـَـــــــــــــك لـَعَبت إغميظـَة الجيجو لـَجـِل عَيناك وَي جيلـَــــــــك قِلي إشبَدَلـَك بـِصباك تعال إحكيلي وَأحكيلـَــــــــك شِفِت روحَك حِلو إشدَعواك لو شـَدَن عِصاجيلـَـــــــــــــك تـَعال أندار إلك فِدوَه وِإذا ما جيت وَدلي إبظـَرف تـَصويرَك مشير مطرب ألسعيدي |
.
الشاعر المتألق مشير السعيدي كلمات ملؤها الطرب والحنين وثقافة شعبية رائعة ......... دائما أتلمسها في كلماتك وقصائدك أتمنى الاستمرار في هذه الروعة والتألق الجميل لك من القلب أجمل الاماني . . . مع محبتيlonely |
~~* من تألـق إلى تـألـــق ياشاعرنا *~~
[c] السلام عليكم ورحمة الله وبركاته ،،، شاعرنا الراااائــع مشير السـعيدي شاعر الأصـالة أصبحت من عشاق مشاهدة إسمك لسبب واحـد جعلتني اعشق هذا النوع من الشعر وهو الشعر الشعبي العراقي الذى لم يسعدني الحظ سابقاً لاتعرف عليه وقد أصبحت سفيراً لبلادك هنـــــــا من خلال كلماتك الرائعـة وإسلوبك المميز وثقافتك العاليــة والواضحة من خلال حروفك فهنيئــاً لنــا بك تمنياتي القلبية لك دوماً وأبداً بالتوفيــق تحيــاااتي العطــرة أخوك حـــازم [/c] |
lonely
تحياتي لك شكري وتقديري على مرورك هنا وممنون على هذا الاطراء الرائع اشكرك من القلب مشير السعيدي |
الاخ الحبيب حازم
تحياتي استمتع جدا من بصمتك في شعري اعتز بها وبك وبحضورك ايها الاخ الرائع اشكرك من القلب ولك عجز اللسان عن التعبير واخرست الكلمات ممنون اخي وممنون وممنون اسال الله ان اكون دوما عند حسن الظن مشير السعيدي |
| الساعة الآن 03:10 AM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.