|
الثورة تطيح بشفيق
لا نصر إلا بالله وأنتصرت الثورة المصرية مجدداً لتطيح بأحمد شفيق ذيل مبارك وتقطع دابر هؤلاء وتكليف الدكتور عصام شرف الذي كان معتصماً معنا في التحرير هاتفاً بسقوط النظام حتي سقط النظام..والذي رفض التستر علي قضية العبارة وأستقال من الوزارة سابقاً أستقال شفيق صبيحة اليوم وقبل أستقالته المجلس العسكري الأعلي..وظني أن العكس هو ما حدث ............تم بحمد الله كل بمبوني بقي يا شفيق كتير قال بمبوني وكيك وشاي بحليب وأنضف ميدان التحرير ونحطلهم زرع ونعمله هايد بارك ده أيه الهم الأسود ده ؟؟... فليبينيه ممسكنها الوزاره ؟؟ وكل ما حد يسأله سؤال..يقول معرفش معرفش معرفش أمال خالتي اللي حتعرف لما رئيس الوزراء ميعرفش ؟؟ يقولوله الشهداء..يقولهم تاريخي..وقال قاتلت وأتقتلت..أتقتلت؟؟ ..أنت أتعديت من غباوة القذافي ولا أيه ؟؟..قال أتقتلت..علي رأي عادل امام::شوفتيني وأنا ميت..أجنن وأنا ميت وأيه حكاية حرب تلاته وسبعين دي أنا مش فاهم..هو محدش حارب غير مبارك وشفيق ؟؟ ما مصر كلها بكل ولادها حاربت في تلاته وسبعين ومن كل عيله بدل الواحد عشره حاربوا أسرائيل..ومات شهداء كتير جداًُ أيه يعني كل ما نيجي نكلم واحد يقولي انا حاربت..علي عيني وعلي راسي يا سيدي..بس مصر كلها حاربت يعني ..مخدتش أنت دبابتك وطيارتك لوحدك وطلعت حاربت يعني واللي بيقول أن كلامه في البرنامج وأنتقدات الناس ليه فيها ديمقراطيه الديمقراطيه دي جبناها بدمنا وعرقنا ودمائنا والرصاص الحي والمطاطي وقنابل الغاز وقنابل المولتوف والسهر والنوم في الميدان في عز البرد والحرمان من الأكل ومن العلاج حريتنا جبناها بدراعنا محدش بيتفضل بيها علينا واللي يحس أنه بيتفضل علينا فالباب يفوت فيـــــل مش جمل بس المهم كل اللي حيشوف الموضوع ده يدعي لليبيا ولمصر وتونس وكل بلادنا العربيه أن ربنا ينصر الثوار في ليبيا ويحفظ كل بلادنا من كل اللي يريدون بيها سوء يارب العالمين ليـــــــــــــبيـــــــــــــا |
رد: الثورة تطيح بشفيق
اهو مشى يامحمد
على الله تهدوا بقى شوية ولا يزيد سقف المطالب اظن لااجد ضرورة للمظاهرات كل يوم جمعة ونطلب من رئيس الحكومة الجديد ان يلقى بيانا كل شهر بما انجزته الحكومة فى الشهر السابق وماتحقق من طلبات الثورة |
رد: الثورة تطيح بشفيق
السلام عليكم ورحمة الله وبركاته
ألف شكر لك أخي محمد على الموضوع والتعليق الطريف عن أحمد شفيق أنا كنت أعرف انه شحص محترم ونزيه لكن احتمال اني كنت فاهمة غلط الله يعطيك ألف عافية |
رد: الثورة تطيح بشفيق
تمنياتنا كل أذيال النظام السابق تعطينا عرض كتافها ونسئل الله ان ينصر احبتنا في ليبيا وغيرها ممن تعاني الظلم و و الاستعباد في وطنها . تحيتي وتقديري لشخصك |
رد: الثورة تطيح بشفيق
عمو أحمد المظاهرات حتعلق لكن لسه في مطالب طبعاً:: 1- حل جهاز أمن الدولة وهدم هذا المعبد كاملاً ثم اعادة هيكلته بأهداف جديده وضباط جدد ورؤي جديده وأسم جديد. 2- محاكمة أل مبارك والفاسدين جميعاً أختي ساد كونه محترم أو لأ دي تخصه هو وهنعرفها من التاريخ اللي هو صار نصف سطر فيه وخصوصاً فوقت فضائح الفساد اللي أحنا فيه لكننا خلعناه في ظني الشخصي لـ 3 أسباب: 1- أن الثورة بتخلع النظام كله وهو حسب علي نظام مبارك. 2-أستهزاءه بالثورة الطاهرة ومعاداته لها من بدايتها لأخر يوم له في وظيفته حتي انه دائما يقول (حركة يناير) وليس (ثورة يناير) فما الذي يجبر الثورة علي الأبقاء علي وزير غير معترف بها من الأساس. 3-كم الوزراء الفاسدين المتسترين علي الفساد في حكومته واللي بيدل علي عدم وجود نوايا طيبه للمصالحه الحقيقيه التي أساسها المصارحه. أخي أبو نواف يارب يقطع دابر الفاسدين في وطننا العربي كله ويارب ينصر أهلنا في ليبيا و اليمن وعمان والجزائر اللهم آمين شكراً ليكم جميعاً وحفظكم الله اللهم آمين |
رد: الثورة تطيح بشفيق
أنا مع ازاحة اللواء شفيق ويارب عقبال البواقي حتى تتطهر مصر كاملة
الرجل دة معروف انه نزيه لكن يمكن حظه السيئ خلاه يجي في الوقت دة متشكرة يا محمد على المتابعة الدائمة |
رد: الثورة تطيح بشفيق
لقد اصدر وزير الداخلية قرار بتعليق مهام
جهاز امن الدولة وخصوصا بعد احداث الاسكندرية من اقتحام المتظاهرين للجهاز بعد صلاة الجمعة امس |
رد: الثورة تطيح بشفيق
أختي الحسناء كنا فاكريين انه محترم ..بس طلع النظام المصري وشوفي القذاره هو اللي ممول بناء سدود في أفريقيا عشان تقل المياه عن مصر ويقموا بأنشاء محطات لتحليه المياه لحسابهم ويحتكروا حتي المياه في مصر...تخيلي العماله لدرجه أيه شفيق كان موجود يحمي اتفاقيتهم القذره..عشان اللي بره مبيهدلوهمش عمو أحمد أمن الدولة اللي ضربوا الثوار والجيش بالمولتوف والرصاص الحي والمطاطي والفيديو أهو عشان لو حضرتك مش مصدق https://www.youtube.com/watch?v=9SeQ...layer_embedded والضباط حرقوا كل أوراقهم ومستنداتهم اللي تدينهم وتدين اللي أعلي منهم وفرم وحرق أوراق بالعبيط بكميات خرافيه وفي مصر كلها دلوقتي مش أسكندريه بس مدينة نصر وسته أكتوبر والشرقيه وبورسعيد ودمياط وووووو أل أمن الدولة ..المفروض كان يبقي أسمه أرهاب الدوله و وزارة الداخليه نفت ما تردد عن تعليق عمل جهاز أمن الدولة..يعني مستفزين جداً مش حتي سايبين الأشاعه اللي في مصلحتهم تمشي في البلد..حاجة مستفزه جداً بصراحة عموماً تنفي براحتها وزارة الهدوم الداخلية دي..أمن الدولة حيتحل إن شاء الله غصب عن التخين عشان أحنا عاوزين كده و و وجدي حيتشال عشان أحنا عاوزين كده برضو أحنا الثورة .. أحنا الحكومة تحيا الثورة وتحيا مصر ويسقط النظام والخونة والعملاء ويسقط أرهاب الدولة المسمي بأمن الدولة تحيا مصر تحيا الثورة |
| الساعة الآن 03:18 AM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.