اسأل قلبك
 

أسأل قلبك

[align=center]جاي تسألني لسه بحبك
قبل ماجاوب اسأل قلبك
وان مقدرتش تعرف حاجه
يبقى الواجب اني اقولك
ايوه ياسيدي والله بحبك
بس باتوه واحتار من ظلمك
شفت معاك احلام واماني
وبرضو شربت كاسات من صدك
كنت بشوفك مالقاش قلبي
وانسى الدنيا لما بقابلك
بس الاقيك ايام بحالات
واشعر فيها بتغيير طبعك
القى ساعتها القلب يخاف
والقى الروح مخطوفه في قربك
قول ريحني دايحصل ليه
وانا بتمنى اكون مخلصلك
قول دا الفكر شاددني اليه
قول علشان القلب يسامحك
قول علشان اتمسك بيك
عايز اتاكد وانا بسمعلك
وابعد ظني وشكي واعيش
كل ايامي ياروحي بودك
قول حسسني ان انت عايزني
قول خليني تملي افرح بك
اصل الناس ياما قالو عليا
عايزين دايما ارفض حبك
ليه نشمتهم فيا وفيك
ليه نضحكهم وانا مخلوقلك
لأ تعالالي ونثبت ليهم
اني تماللي باعيش مغرم بك
نلقى الحزن ياعيني واخدهم
ويدوم فرحي كمان ويدوم لك
عايز اكتر من ده جواب
قول انا عندي كتير وح اجاوبك
اصلي خلاص سلمتك قلبي
جاوب يالا وح اسمعع ردك

منقول
للشاعر الراحل عاشق الورد[/align]

رد: اسأل قلبك
 

[align=center]عزيزتي بنت عاشق الورد

كلام رائع وليس بغريب على مبدع متل عاشق الورد رحمه الله

احساس رائع يفقدنا القدره عن الرد والتعبير

معاني رقيقه ممزوجه بالحب والالم

الذان اقسما على التلازم الدائم

تحيتي لك

سلام العبيدي[/align]

رد: اسأل قلبك
 

جاي تسألني لسه بحبك
قبل ماجاوب اسأل قلبك

فرخ البط عوام


نتمنى لكم التوفيق والنص جميل وعاشت يدكم للمساهمه الحزينه العاتبه