منتديات زهرة الشرق - منقول عاشق الورد

يابلد
الله عليكي يابلد
وكـــــل شــــيء ببــــلاش
حتــى الدهــب برضــوالدهــب ببلاش
الأكل متردخ ومتوفــــر والكل ماتوصاش
والشرب ميه معطرة وازاي مانشربهـــــاش
والبطن ماشية مطرطرة برضو ومابترضاش
عمالــة تاكل وتظلــط في فاكهــة مع جـــــــلاش
والناس بتمشي مظأتطة فلوسها حاضـره وكاش
والصحة بمب وحديـــــد والخلــق مابتعيـــــــــاش
والدمعة جوه العيون عمـــرك ما ح تشـــوفهــاش
والضحكة فوق الشفايف لازقــة مابتسيبهـــــــاش
والشغل عنـــــــد الموظف يمشــــــي مايستنـــاش
لا درج عنـــده اتفتـــح والرشــــوة ماقبلهـــــاش
ولا ست واقفة تعيـــط دايخــــة في صرف معاش
ولا خوف من المعتقل والكلمـــة مابتنحـــــــــاش
ولا حــــــد ضيع فلوسه في حاجات وماكسبهاش

*****
الله عليكي يابلــــد خيرك ماعمــــــره انقـــــل
يحميكي رب الوجود ياتــــاج رؤوس الكـل
يجعل نهارك نهــــار أبيض وزي الفــــل
وتكيدي اللي يعاديكي ويدوقوا مر الذل
الله اكبر عليهم وعنيهـــم اللي تســــل
لما يشوفوكي جميلة والخل جنب الخل
لا سجـــن ولا سجــان ولا حيــاه بتشــــل
والناس بتضحك وتفرح ووشوشها بـدروهــل
الله عليكي يابلــــد أغلــى وأحلــــى محــــــــــــل
( مصر في القرن الخامس والعشرون )
كلمات الشاعر
حسني عبدالله جاد
عاشق الورد