طويت أزمان من عيني وشفتك يالعزيز أزمان
شفتك في زمان الحب على حضنك تضمينـي


تحقق وقت حبي لك ترا وقت الحقيقـة حـان
يحين الوقت في حبك وأنتي اللـي أخذتينـي


أخذتيني لعالم فيه من الألوان زاهـي ألـوان
لكن للأسف ماشفـت مـن الألـوان يحيينـي


شفت بعيني الحرمان شفـت بعينـي الكتمـان
شفت بعيني كل لحضة وفيهـا أنتـي تبكينـي


أمانة لا تخليني تـراا كلمـة أمـان .. أمـان
أمنتـك علـى قلبـي وأنـت دايـم تخلينـي


كفاية اللي تسوينه تراني في الأخيـر إنسـان
أتعـب لا تعـب قلبـي وتتوقـف شرايينـي


تعَبتيني في حبك ليه وأنا اللي كنت لك سلطان
ما تسمع سوا عمري وعلى راسي وعلى عيني


أبني لحبنا بيت(ن)وضاقت حولـي الجـدران
ضاقت حولي الجـدران والسبّـه كرهتينـي


كرهتيني قهر فيني وهـذا ماهـو بالحسبـان
توقعتك معـاي أصـدق وماأتوقـع تخونينـي


أعزف يا نغم حزني وغني يـا قهـر ألحـان
تركني كل أحلامي وضاعـت كـل عناوينـي


ألعب لعبة الأحزان وكلّـي يابشـر أحـزان
ومع إني حزين أكثـر دوم أنتـي تهزمينـي


تهزميني غصب عني ومن أول أنا الخسـران
أنا الخسران وأسبابي كرهتينـي قهـر فينـي


أشوف بعينك النسيان أشوف بعينك الحرمـان
أشوف بعينك كل بردي بعد ما كنـت تدفينـي


أبرحل يا معاني الحقد وأجرب نعمة النسيـان
أجرب نعمة الله فيـك ولا تسـآل أنـا وينـي


كرهتيني قهر فيني وأنا اللي جيتلـك ضميـآن
قهـر فينـي كرهتينـي وفينـي مايكفيـنـي


حسافة حبي الضايع ومع واحد طلـع خـوّان
حسافة كل أوقاتي حسافـة عمـري وسنينـي