شيطــ رقيق ــان
 

[ALIGN=CENTER]السلام عليكم والرحمة والبركات
ان هذه القصيدة هي اول قصائدي فأرجو ان تعجبكم
تحياتي[/ALIGN]

[ALIGN=CENTER]:pfairy: :pfairy:[/ALIGN]

[ALIGN=CENTER]صديقى اللى كان ساكن دمى و ملامحى
صديقى اللى كان فرحه فرحى
خانى فى عز احتياجى ليه
وعلى ايديه زاد حزنى و جرحى
ليه ليه ليه
ليه تخونى و انت كنت
القلب الوحيد اللى له اامنت
نفسى اعرف ياصديقى
ليه مليت بالشوك طريقى
و ليه على جرحى و حزنى صممت
ليه
مش كفايه غدر الايام
بايديك تحكم عليا بالالام
جرحتنى فى عز احتياجى ليك
بعتنى و انا كنت بعمرى شاريك
ولا اثر فيك دمع و لاملام
اوفى و يبقى جزائى عذاب
واتصور انه الدنيا و الاحباب
ابقى بوفى و بكل اخلاص
و بعتبره الدنيا و الناس
و اتاريه جراح خاين كداب
خونت قلبى و خونت حنينى
حبيت تشوف الجرح فى سنينى
قولى ليه جرحت قلبى
قولى ايه كان ذنبى
انى صونتك فى قلبى و عينى
كل كلمه عتاب ليك
يارب اشوفها دمع ف عنيك
دمع يبرد جوايا النار
يرجع الامل لقلب انهار
و يعوض عمر ضاع بايديك
بدعى يارب تدوق الجراح
يارب طريقك تملاه الرياح
زى ماكنت السبب فى جرحى
زى ما على ايديك مات فرحى
يارب تعيش الحزن ليل صباح
وتحس باللى عملته فيا
تحس بجرحى و بكا عنيا
تحس بكل لحظه الم
تحس بقلبى اللى انظلم
على ايد اعز و اغلى ماليا
هان عليك كل اللى فات
من و عود و ذكريات
ااسف لان الذنب ذنبى
انى اتصورتك كل حبايبى
و انت انسان ضميرك مات
ليه
ااسف جداا ياصديقى
ياللى كنت نور طريقى
ااه نسيت
انت متستهلش كلمه صديق
انت يالضبط نار و حريق
اللى يقرب منها تزيد جراحه
يفضل حزين ليله و صباحه
و يتوه من قدمه الطريق
وداع
وداع
وداع ياشيطان رقيق[/ALIGN]

انت متستهلش كلمه صديق
انت يالضبط نار و حريق
اللى يقرب منها تزيد جراحه
يفضل حزين ليله و صباحه
و يتوه من قدمه الطريق
وداع


اخي الفاضل

جرح الصديق مؤلم وجرح مزمن

اسلوب وقصيده جميله

دمت بخير

[ALIGN=CENTER]اختي حياة
شكرا على ردك ونصائحك الجميلة
لكن في هذه الأيام يندر وجود صديق بمعنى صديق
وذالك للأسف الشديد
تحياتي[/ALIGN]