منتديات زهرة الشرق - في غيابك مافقدت الا ( أنا ) !!

[align=center]

.. في غيابك مافقدت الا ( أنا ) !!
.. واتعلم في غيابك ..
كيف أصبح جزء ثابت من حضورك ..
واتلذذ بارتكابك ..

طيش ، طيش ..
ماكنّي الا جوع كافر ..
وإنت لقمة عيش !!

وتسألني ليش؟
لأنه أيقظني مرورك ....

...فوق رفضي من سبات التجربه بـ (شويش)..
وقلت: أحبك ..
قلت لي: ويش؟!

قلت: أحبك ..
... كنت أحاول أنفض غبار الكلام المهمل فـ (صمتي)..
وأدورّ بين فوضى الحزن عن درهم وقايه من بكائي..
.. واستمريت فـ (غبائي)..

وقلت: أحبك ..
قلت لي: لاتسرف في إعلان إنتمائك..
لأني ماقررت أحبك بشكل يا (..) نهائي..
.. واستمريت فـ (غبائي)..

وقلت: أحبك ..
قلت لي: لكن إنت فاشل في إحتوائي !!
... وتساقط ريش ...
من أجنحة قلبي ...
وتناقضت أشيائي ...

وقلت لك : بعد إيش؟!
وأذكر إنه جفّ ثلثين إخضراري..
وثلث قاوم إصفراره..
بالتشبث في جذوره..
وإختنقت وماعتقت إلا زراري ..

من تفاصيل العباره..
لين أرهقني نفوره..
وقلّم المشهد أظافر إعتذاري..
وسلت من جرحي بـ(غذاره)..
وإنزويت فـ (ركن) عوره..
وارتبكت..وكنت جاهز لـ (إختصاري)..

- رغم أسهاب الخساره -
في ملامح كل صوره..
وقلبي المؤمن تماماً ب (إنتصاري)..
إنهزمت فـ (عقر) داره..

رغم إتقانه لدوره..
وافترقت من الغبن موت اضطراري..
فوق أكفان المرارة..
وانفجرت بدون ثوره..

... وتساقط ريش ...
من أجنحة قلبي ...
وتضاعفت أغبائي ...

وقلت: أحبك ..
... حتى لو فكرة غيابك حاولت إلغائي !!

الشاعر.. احمد الفهيد

تحيــاتي

مشــاعل
[/align]