( تـــــعالـــي )
 

مصافحه ثانية( تـــــعالـــي )
السلام عليكم....

مصافحه ثانية واتمنى من كل قلبي ان تنال بعض من استحسان اذواقكم الرائعه







.
انا سمعي على قدي اذا ممكن تعيد القول *** اظن اني بحلم ولا صحيت استرجع الامي


عبس بي قال يالمطيور انا احبك كفاك اذهول *** ترى بكره اّكمل ستــ عشر اعوام بـ ايامي


يقول انتا مثل منتا تحقر القول يالمعلول *** تظن اني صغيره وتزدريني دوم قدامي


اذا صدق انت قد الهرج لا يكثر علي ويطول*** تناسا عيدي الباكر وحطم واعلن اعدامي


واشوف ان كان لك حيله وعندك عن وصالي حول *** وانا بحرق هداياك القديمه وبثبت اجرامي


انا اشهد تقدرين بفعلها يالمترف المعسول *** ولكن ماقصدت وربي اللي كاسي عظامي


تعالي لعنبو حيك تراها كلمة(ن)من هول *** قصدت اني اشوف ان كان لي قدرن ٍ وتعظامي


تعالي لا خلا منك ولا لي بد عن هالزول *** تعالي واطفي بنارك لهيب الشوق بحطامي


يقال اني طويل العمر ومصدر ذا الحكي مجهول *** اشاعه مغرضه وانتي اميرة عمري الدامي


اخبرك دانة(ن) تمشي تخطرف بــ ا زرق المريول *** وانا توي بحظن امي ولا قاويت بفطامي


صحيح انه يبان اني كبير ومبدني مفتول *** ولكن لاحشى ماني كبير سنين واعوامي


وذاعالعمر انا اذكر جدتي تحكي معي وتقول *** ترى مابينك وبين العنود اشهور و ايامي





مع الجورى

السلام عليكم 0000

أخي عاشق الجوري ..

أشكر لك هذا الابداع وهذا التصميم الرائع

لهذه اللوحة السحرية .. سلمت أخي وسلم ابداعك ..





تحياتي

تعالي لا خلا منك ولا لي بد عن هالزول *** تعالي واطفي بنارك لهيب الشوق بحطامي


يقال اني طويل العمر ومصدر ذا الحكي مجهول *** اشاعه مغرضه وانتي اميرة عمري الدامي


اخبرك دانة(ن) تمشي تخطرف بــ ا زرق المريول *** وانا توي بحظن امي ولا قاويت بفطامي


صح السانك اخي عاشق الجوري

واهلا وسهلا بك مع امنياتي لك بقضاء وقت ممتع

وياهلا وغلا