منتديات زهرة الشرق

منتديات زهرة الشرق (http://www.zahrah.com/vb/index.php)
-   واحة الزهـرة (http://www.zahrah.com/vb/forumdisplay.php?f=4)
-   -   بَلِ الْإِنسَانُ عَلَىٰ نَفْسِهِ بَصِيرَةٌ (http://www.zahrah.com/vb/showthread.php?t=79756)

هيام1 07-04-20 10:19 AM

بَلِ الْإِنسَانُ عَلَىٰ نَفْسِهِ بَصِيرَةٌ
 
(كما وصلني من واحد مصري)- إللي يقولك مصر مذكورة في القرآن، قوله وقوم لوط برضه مذكورين في القرآن⁦؛ فلا مدح ولا ثناء إلا فيما امتدحه الله تعالى نصاً وأثنى عليه .

- إللي يقولك مصر بلد الأمان لأن ربنا قال عنها
"ادْخُلُوا مِصْرَ إِنْ شَاءَ اللَّهُ آمِنِينَ" ،
قوله هي هي نفس البلد إللي ربنا برضه ذكرها في سورة القصص حكاية عن سيدنا موسى
"فَخَرَجَ مِنْهَا خَائِفًا يَتَرَقَّبُ ۖ قَالَ رَبِّ نَجِّنِي مِنَ الْقَوْمِ الظَّالِمِينَ"
.
- إللي يقولك مصر محروسة من ربنا، قوله اسم النبي حارسك في سنة ١٠٦٥ م بدأت سنوات الشدة المستنصرية إللي الناس أكلوا فيها القطط والكلاب والميتة حتى صاروا يعلقون الكلاليب ويخطفون المارة ليأكلوهم أحياء واستمرت سبع سنين لسنة ١٠٧١ م ، وفي سنة ١٢٤٧ م دخل مصر الطاعون وفضل فيها سنتين مات خلالهم ٢٠٠ ألف شخص،
واتكرر الموضوع سنة ١٧٩١ م وسنة ١٨٠٠ م خلال الاحتلال الفرنسي ومات فيه ما يزيد عن ٢٠٠ ألف شخص.
دا بخلاف وباء الكوليرا إللي ضرب مصر سنة ١٨٨٣ م وسنة ١٩٠٢ م وسنة ١٩٤٧ م وراح خلالهم ما يقرب من ١٠٠ ألف شخص !!

- إللي يقولك مناعتنا زي البومب دا إحنا بناكل الفسيخ يا عم ومافيش فيروس هيأثر فينا، قوله حضرتك لو دخلت ع اليوتيوب هتلاقي آلاف الفيديوهات لصينين بياكلوا الفيران والكلاب والخفافيش والتعابين وهم صاحيين وبعد كل دا حصلهم إللي حصل وبقوا مصدر بؤرة الوباء على سطح البسيطة، فننسى موضوع المناعة الكدابة دي !!

- الشاهد من الكلام إننا بلد زي أي بلد في الدنيا وبلاش نعيش فكرة إننا شعب الله المختار لأن عندنا قاعدة كمسلمين مذكورة في سورة الحجرات
"إِنَّ أَكْرَمَكُمْ عِنْدَ اللَّهِ أَتْقَاكُمْ"، وقاعدة تانية في سورة النجم "وَأَن لَّيْسَ لِلْإِنسَانِ إِلَّا مَا سَعَى ﴿ ٣٩ ﴾ وَأَنَّ سَعْيَهُ سَوْفَ يُرَى ﴿ ٤٠ ﴾ ثُمَّ يُجْزَاهُ الْجَزَاء الْأَوْفَى".

- وزي ما قال الدكتور مصطفى محمود رحمه الله :
( إذا نزل مؤمن وكافر إلى البحر فلا ينجو إلا من تعلم السباحة، فالله لا يحابي الجهلاء فالمسلم الجاهل سيغرق والكافر المتعلم سينجو )،
وعليه قيمتنا في هذه الحياة الدنيا تساوي العلم إللي نملكه وقادرين على تطبيقه، مش بمجرد شوية شعارات وأحلام زائفة صدروها لنا على مدار العقود إللي فاتت عشان نفضل عايشين في الوهم، تماماً زي ما كانوا بيحاولوا يقنعونا كدا بمقولة
"إحنا شعب متدين بطبعه" !!


الساعة الآن 05:57 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.