منتديات زهرة الشرق - <<<< يا زوجات لا تحرمن ازواجكن زينتكن...>>>>

قرأت هذه القصه وهي موجوده تقريبا في معظم البيوت للاسف

فحبيت اني اقصها عليكم الغرض ليس سرد قصه فكلنا نعرفها واغلبنا يعيشها

وان اختلفت تفاصيل القصه ولكني هنا اسردها لانبه اخواتي الزوجات من تأثيرها

على الحياة الزوجيه وعلى الزوج ..... دعونا نبدأ بالقصه:

كان يــا ماكــان في سالف العصر والاوان ..هههههههههه ولا قصص الف ليله وليله

لالالالا ما علينا طبعا من المعروف اذا صادفنا عزومه او دعوه الى عرس او حفله

اللي بيصير والمتعارف عليه انه اية واحده فينا لازم تتروش وتتنظف وطبعا الشعر ما

يحتاج ولا اروع سيشوار وتلميس وتسريح اخر تمام وبعدين ييجي دور الاهم طبعا المكياج

وطبعا بتطلع كل مواهبها برسم العيون والشفايف وبعدين طبعا بتكون محضره احلى ما عندها

من لبس عشان تكون احلى واحده بالحضور طبعا هدي بداية القصه تبعت صحبتنا واللي بتصير

مع معظم الزوجات ... المهم يوم خلصت من كامل زينتها اتصلت على زوجها واخبرته انها

انتهت عشان ييجي ويوصلها وبلمح البصر كان جاي ويوم شافها اعجبته لانه مو متعود يشوفها

مرتبه الا بالمناسبات .. المهم طلبها زوجها انها تجلس معه وبلاش تروح العرس ويقضوا الليله

مع بعض ووعدها بتمضية سهره جميله فوافقت وراح المسكين يجيب عشا من المطعم عشان

ما يخرب شكل عروسته اقصد زوجته

لما رجع ايش تتخيلوا انه شاف ؟؟؟؟؟

العروس اللي كان بده يسهر معاها تحولت فجأه الى شيء مختلف تماما شافها غيرت ملابس السهره

الى قميص قطني وغاسله المكياج وفكت التسريحه وحطت زيت على شعرها

طبعا هو شاف هدا المنظر وعصب كتيييييييييير وسألها ليه سويتي بنفسك كدا اخبرته انه الفستان كان مضايقها

سبحان الله ما كان مضايقه يوم كانت بتروح العرس ... وغسلت الكياج ماله داعي وزيتت شعري بعد السيشوار

وما شعرت بالراحه الا يوم لبست القميص القطني

طبعا الرجل فقد صوابه واخذ يصرخ ويهاوش ويقول لها الزينه والشياكه بس للناس وانا زوجك لا

ويوم عصب حلف عليها انها ما راح تاكل من العشا اللي جايبه وانها راح تروح العرس الان وبنفس شكلها

اللي اختارته لزوجها والا ما راح تجلس بعد كدا بالبيت

طبعا لا مفر اظطرت الزوجه ان تلبس عبايتها وتدخل الزواج وكأنها شحاده والكل شافوها

طبعا هدي بتصير باغلب البيوت وكأنه امر طبيعي او عادي انا لا اقول انه المرأه تتزين بس

لزوجها وبس تطلع للناس تهمل شكلها بس كمان الناس مو اهم ولا احسن من زوجي عشان يشوفوا زينتي وجمالي.

عزيزتي أهتمي بمظهرك و أناقتك لزوجك قبل الأخرين فهو من ينبغي أن تكسبي رضاه و إعجابه لا غيره. هو من يستحق الإهتمام وهو الوحيد الذي له الحق الكامل بالتمتع بكل ما تبديه لغيره.

ولا تلوميه أبدا أن أبدى إعجابه بغيرك أو زاغت عيونه لأخرى قد تسلبه منك . صحيح أن الرجل يريد أن تكون زوجته مخلصه و مطيعه و تنجب له الأولاد و لكنه في نفس الوقت يبحث عن الجمال و الأناقه عندها فلا ينبغي أن تضطريه لأن يجده عند غيرك.
لا تقولي بإنك قد كبرت و لا يليق بك التزين له أمام أولادكما فالرجل عزيزتي يبحث عن الجمال لأخر لحظه في عمره فلا تحرمي نفسك متعة إعجابه بك و لا تحرميه حقه في زينتك.