هقولكم على سر ..... غمضوا عينكم وابتسموا ( حتى ان كان ملكوش نفس ابتسموا برضه و خلوها ابتسامة صفراء ) و كل واحد يقول : ( ان شاء الله انا فى طريقى للاحسن ) و ياخد نفس عميق اوى من الانف و يخرجه بهدوء و بطء من الفم ..... و حاولوا تفتكروا اى انجاز ليكم ولو بسيط كنتم بتعملوا ( ابتسامة - عمل خيرى - مساعدة حد - الصلح بين اتنين - .... ) عايزكم تكرروا التمرين ده لمدة اسبوع وياريت نعمله فى اليوم اكتر من مرة و ان شاء الله اشوفكم كمان اسبوع د/أحمد الجوهرى

تدور الكثير من الافكار فى اذهاننا و معظمها يؤثر علينا سلبا لانها نابعة من توقعات سلبية بسبب ماضى حزين او حاضر مؤلم او مستقبل غامض مما يولد تخوفات تمنعنا من احساس التجربة و التعلم منها و غالبا ما يندم البعض على استسلامه لهذه الافكار ..... د/أحمد الجوهرى

ساعات بنكون كويسين اوى مع ناس و مش بيفرق معانا اننا ممكن نكون بنديهم اكتر بكتير من اللى يستحقوه او على الاقل اكتر بكتير من اللى هما بيدوه لينا و بيستغلوا ده و يفضلوا معتمدين على انهم بياخدوا فى اتجاه واحد لحد ما يستنفذوك و يطلعوا اسوأ ما فيك .... ساعتها بتكون عقوبتهم اللى عملوها بإيديهم انهم هيشوفوا الوش السىء ده كتير لحد ما يقدروا يطلعوا الخير اللى جواك ناحيتهم من تانى .... حاجه كده شبه ( اللى يحضر العفريت يعرف يصرفه ).... د/أحمد الجوهرى

هناك نوعان من الاطباء النفسيين .... النوع الاول كالمطار يتعامل مع زوراه كالطائرات التى تهبط لديه ساعات او ايام قليله ثم لا تلبث لتطير مرة اخرى و لا يعلم ما يحدث بداخلها بعد ذلك .... و النوع الثانى كالمدينة فهو معهم فى معظم تفاصيل حياتهم و يعيش معهم أغلب اللحظات حلوها و مرها يتشاجرون و يتفاهمون و يختلفون و يتفقون ومهما غاب عنه بعض زوراه و طال غيابهم احيانا الا ان سكان هذه المدينة سيعودوا مرة اخرى و سيكون فى انتظارهم ..... و أنا أعشق كونى مدينة فأنا لست مطارا

جميل اننا نعيش الحلم حتى لو مش هيتحقق و يبقى كفاية اننا أشبعنا جزء منه ولو بالتخيل

أخبرنى مصارحا نفسه : ( حاسس إني في سباق واقف متكتف ف مكاني وهما بيجروا بعيد وبيسبقوني..... مش عارف هقدر أحقق اللى نفسى فيه ولا لا ، كل اللى حواليا بيتحرك وانا ثابت مكانى ... حاسس انى تايه و مش مركز ) هكذا تكون الرواسب النفسية للرجال ... وغالبا ما بيكون رد فعل الرجل بشكل تلقائى العزلة و الانقطاع عن العالم الخارجى يومين على الاقل وتصل احيانا الى اسبوعين .... وعشان كده عايز كل واحده تاخد بالها من أخو...ها أو أبوها أو ابنها أو خطيبها أو جوزها لما يمر بالحالة دى و تعرف ان احسن حاجه انها تحسسه انها جنبه بدون ما تضغط عليه و تسيبه فى حاله زى ما هو بيكون عايز بس مش قادر يطلب ( و أحب أطمن كل بنت أيا كان دور الرجل ده فى حياتها أنه بيحبك فى صمت بدون ما يتكلم و مش هينساكى بالعكس ده هيرجع مشتاقلك اكتر و عايز يعوضك و مش هينسالك اد ايه انتى استحملتيه .... و هيطلع من كهفه وقت ما يحس انه مستعد ومتقلقيش هيروح منك فين ) د/أحمد الجوهرى