شباب الكلوركس

السلام عليكم


عندي لكم سالفة تفطس من الضحك وما تجي في بالكم أبداً !!!

الحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟

وشفتهم في السوق بس شفت بنات قليل منهم

تعرفون وش السالفة ؟؟

اللي قالت لي الخبر صديقتي وهي محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره ضيقة ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !

جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!



وبعدها جلست أدور في عبايتي عسى مارشوني أنا بعد !

تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!

تقول سبحان الله بعد ماشريت لي ملابس رحنا نلعب العيال بالملاهي اللي بالسوق ولقينا نفس الشباب وقلت لزوجي شوفهم هناك ورى البنات



وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!

يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات الضيقة ويحلف بالله اللي محتشمة ما نرشها !! نرش بس العبايات المخصرة والضيقة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....


والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!

وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!

عساهم يتأدبون

الله يهدينا ويهديهم ويستر علينا وعليهم


منقـــــــــــــــــول

[grade="800080 FF6347 2E8B57 4B0082 00BFFF"]
فتى الزهرة...[/grade]

(ادع الى سبيل ربك بالحكمة والموعظة الحسنة )

النصح والاصلاح لا يكون بالقوة وانما باللين والحكمة حتى يجد القبول

شكرا لك فتى الزهرة

تحيتى

اخي فتى الزهرة

هذه الحكاية تعبر عن طيش الشباب هذا و ليس عن نكتة أو عبرة و هم ان يفعلون ذلك يتسببون بخسائر ماديو و معنوية لهؤلاء البنات و هذا لا يجوز شرعاً.

ألا يوجد من يردهم في تلك الاسواق؟؟؟؟

اشكرك لنقل القصة

فعلا النصح والارشاد يكون بالتي هي احسن
ولكن ماذا نفعل اذا فشلت كل الطرق
شكرا لك امل 2005


فتى الزهرة...

الان اصبحوا لا يخافون او يحترمون هيئة الامر بالمعروف والنهي عن المنكر
وهذا مادفع الشباب الى هذا الفعل
شكرا لك زيـــــــــاد



فتى الزهرة...