الحب كله

نونه عراقيه وافتخر

[align=center]عزيزتي نونه عراقيه

من حقنا ان نفتخر بعراقنا العظيم


العطره

سلام العبيدي[/align]

عشرتك روحي صدك ما تمله
وگلبي ايام سعدك ما تمله
اريد انصب لروحي مأتم اله
واشوفك هم تجي وتبجي عليه
لو مره تمر مثل الشماته
وانا لنحرك ولك يسمر شماته
علي مغرور كالولي بشماته
صحيح بشامتك تنغر عليه
لو تذكر رباي وياك ولعن
ولا تنغر على الي بيك والعين
فرضنه لو اسبك حيل والعن
هم بغيض وك تزعل عليه
لو تعرفني احبك وشتمنك
لان منطي للواشي وشتمنك
اريد اليوم احضنك واشتمنك
واشوفك هم تذب روحك عليه
لو رأسن تكلي ارجوك هدنه
وتعاركني وتريد نوب هدنه
ولك والله العشك وياك هدنه
مريض انا وتعال اسأل عليه
وشوف اشلون حالي من تسني
ولاكن سيف صدك من تسني
الدمع يغلب جوابي من تسني
اضحك بالجذب غصبن عليه
لان ما ريد اشوفك يوم حزني
وتدري بسيف هجرك ولك حزني
كلبك انت وحدك الي حازني
وحيازه وحمل سلمتك بديه

__________________الحبيب

مزدودة كــل الطرق صبات واســلاك
عبوة تحــط بلدرب صدكني اتعنــــاك


الحبيبة
عبــوة احطلك بلـدرب وازرعهة انـي
تدري شوكت تنفجر من كلبي ينسانـي


الحبيب

الكلب ماينســاك جيـف انــت دمـة
الجرح لو بـــي فاض ياهو اليلمـة


الحبيبة
الجرح لو بـي فاض اضمادة ادية
والجــرح لـــو ينشـــال انكلة بية



الحبيب
شتنكل جرح عاكول وتحطة يمـك
ربع العلي لو بيك يتلاشـة جدمـك


الحبيبة
فدوة تـروح اشلاي صدكنـي لجلك
لو انت سـل بلروح هــم مــا أمـلك


الحبيب
ادري تحبني هواي بس اني اكثـر
بلحلم شفتك طيف وخايــف لتعثـر


الحبيبة
بلحلم انت هـــواي خايف عليـة
اشحـــال لــو بلعين تلمس اديـة


الحبيب
لو شفتـــك انــة اليــــوم ثــــق مااعوفك
ساعة اصفن عله العين وساعة بوصوفك


الحبيبة


اشدعوة ساعـة هــواي تصفن علعيـون
من توصل الخدين .. والحاجب شلــون


الحبيب
بلوصف حــاير ليــش .. وصفــك يتعب
هذا انة حالــــي اعليك بلوصــف داحب


الحبيبة
عـــوف الوصــف يهـواي صدكني احبـك
مــــن كثـر ماانــــــــة اهواك مرات اسبك


الحبيب
سبني شتسب اهـــواي انــــي اريـــدك
اتمنة انــــــة دمـــــاك ومعيش وريـدك




اخر شي ملت الحبيبية وكلتلة
عله اهلي يمتة تمر وتخطبني فضهة
كل مـا تمر ايـــــــام ايــدي اعضـــهة


الحبيب
لاتعضعض ايــــدك ليش جايـلك اني
بزفتنة احنة الكــون .. يطرب اغاني

حقي من احامي اعليج ياشجرة التين
ماي الربيتي عليه من دمعة العين

يالله على كلامك اللى يجنن ياريت كل الناس ليها قلب زى قلبك يسلم قلبك على هالكلام

كلمات ترحيب

التم ولو عودان اوكف وحييك

جا كلي موش بهاي وبيش الاكيك