منتدي الشعر الشعبي نونه عراقيه

نونه عراقيه وافتخر

عشرتك روحي صدك ما تمله
وگلبي ايام سعدك ما تمله
اريد انصب لروحي مأتم اله
واشوفك هم تجي وتبجي عليه
لو مره تمر مثل الشماته
وانا لنحرك ولك يسمر شماته
علي مغرور كالولي بشماته
صحيح بشامتك تنغر عليه
لو تذكر رباي وياك ولعن
ولا تنغر على الي بيك والعين
فرضنه لو اسبك حيل والعن
هم بغيض وك تزعل عليه
لو تعرفني احبك وشتمنك
لان منطي للواشي وشتمنك
اريد اليوم احضنك واشتمنك
واشوفك هم تذب روحك عليه
لو رأسن تكلي ارجوك هدنه
وتعاركني وتريد نوب هدنه
ولك والله العشك وياك هدنه
مريض انا وتعال اسأل عليه
وشوف اشلون حالي من تسني
ولاكن سيف صدك من تسني
الدمع يغلب جوابي من تسني
اضحك بالجذب غصبن عليه
لان ما ريد اشوفك يوم حزني
وتدري بسيف هجرك ولك حزني
كلبك انت وحدك الي حازني
وحيازه وحمل سلمتك بديه

كالو طاح كلتلهم فلا يرتاح

وماترتاح لان سديت اذانك من ضميرك صاح
وهي مزنه ثجيله وعاصف وحالوب
يريدلهن سكف مصبوب موش الواح
ريح امسودنه وبيها المعمره اطيح
وانته اعويت حلفه مليلك سباح
جان الخير وافر والغثيث ايضيع
بس من صفه الحاصل شالك المرواح
بالزرع الجثير اتشيل شوف العين
والنبته الخبيثه اتفوت عالفلاح
ماترتاح ــــــــــــــــــ
من هاج البحر وبعد علينه الكيش
غادرت السفينه وخنت بالملاح
وحشمت العواصف والمطر والريح
لذكرت الربه ولا كلت بيها ارواح
صحبت عمر جانت والعمر دربين
اشو بول الخطوه وماي وجهك طاح
بدلت الكلوب الجانت اتهم بيك
بمسامر لواكه وليل مغنه وراح
ولميت العفن والسكط والممروض
وخاويت الودر والزفر والفاح
ومن دارت الدنيه اوزره وياك الحال
غطو روسهم والداح منهم داح
ماترتاح ــــــــــــــــــــــ
خاف ازهك وفيضا وكشف المستور
وافضح من حركتي اسرار ما تنباح
ماترتاح ــــــــــــــــــــ
لان ندبه بضميرك والجبيل بخيت
والشاره التحركك عمر ما تنزاح
ماترتاح ـــــــــــــــــــــ
ماطول الشمس كل يوم تلبس ثوب
وتلاعب النسمه الرازقي الفواح
ماطول الملح والخبز بي ناموس
وارواح البشر عند البشر تر تاح
ماترتاح

السلام عليكم
صح لسانك اختي على القصيدة والكلام الحلو
الله يعطيكي الف عافية

[align=center]عزيزتي نونه عراقيه

كلام جميل ورائع بالشعر الشعبي العراقي
يدخل الى القلب بدون استاذان ليتربع فيه
سلمت يداك على هاي الكلمات
عفي وبارك الله بيك



سلام العبيدي[/align]

اشكركم على هاي الرد والكلام الحلووووووووووووووووووووووووووو

حقي من احامي اعليج ياشجرة التين
ماي الربيتي عليه من دمعة العين

حقي من احامي اعليج ياشجرة التين
ماي الربيتي عليه من دمعة العين