السفينة ...@

السفينه


-------------------

ضاقت أوساع الفيافي والوعد متن السفينه
للطريق اللي دعاني بعد أمان الله وأمانه

لا تناديني وصوني قلبك الله لا يهينه
لا يراهن في رجوعي لجل ما يخسر رهانه

ليه ما أرحل عن غرامك بعدما ذقت الغبينه
أذكري شئ واحد يستحق أقعد عشانه

قلب ما حن لوصالي ماني بحاجه حنينه
وأشهد أنه ما يعزر بالرفيع ألا هوانه

الهوى الغدار حد الله ما بيني وبينه
والرجل لا خير فيه أنما حفظ قدره وصانه

واجدٍ مثلي ليامن حدته عوجا سنينه
ما شكى لأقرب بن آدم لو هو أغلى من أخوانه

يوم قلبي ما عصاك وما قدرتي تذبحينه
ليه خنتي فيه وأنتي معه من نفس الديانه

كان ذبحي بيدك أهون لي من اللي تفعلينه
وأن طلبتك تذبحيني ما ذبحتيني لعانه

كل جرحٍ من جروحي تذكرينه تنكرينه
كن مالك في نزيفه يد خانت بالأمانه

ينزف الخافق تواضع لين لطختي جبينه
ولا أنا ما كنت أبيها توصل لحد الأهانه

قلت من باب الميانه صاحبك وتعذبينه
لعنبوك أرخي معاي شوي ما صارت ميانه

طعت عقلك يوم قيل أن العقل بالبنت زينه
لكن الشرهه علي أن كنت أحسب أنك تكانه

من بعد ما كنتي أنتي في حشاي أغلى سجينه
أوعدك بطلق سراحك وأتهمني بالأدانه

وين رايح؟ لأي درب ما يرجع للمدينه
ليه رايح؟لأن قلبك ما ترك قلبي وشانه

كيف بنسى؟ ربي اللي ملهم القلب السكينه
مثل ما عانا بقربك لا نوى فرقاك عانه

كان قاسي يجرح أطراف السكاكين السنينه
ما يطيح وبنت مثلك حبها هزت كيانه

ولا أن خابر خفوقي ما يمد ألا الثمينه
وأن بغى يغيض الثريا قعد القمرا وزانه

مزعلٍ لجلك هنوفٍ رجت عقول رزينه
وأن تهادت بالطريق الجرهدي تزهر جنانه

جادل كن الجمال قبالها كتف يدينه
والقمر لو شاورت له ينزح وتقعد مكانه

كانت أول من تحكم في فروع الياسمينه
وأن تعدتهن تثنت خيزرانه خيزرانه

بعتها لجلك وصارت لأصغر أطرافك رهينه
ولا هي لفتة هدبها تغمرك ثقل ورزانه

والخفوق اللي تغذى من معزه والدينه
مشكته أنه تعلق في زمن ماهو زمانه

كل ما زادت جراحه وأكتشف غلطت ظنينه
صدقيه أن قال مابه شخص يستاهل حنانه

يوم نادى يافلانه ما رضيتي تسمعينه
لين صوت يافلانه يافلانه يافلانه

كنت أشوفك زعفرانه تقرض الورد وتدينه
يمكن أني ما قطفتك بس أشوفك زعفرانه

كنت أهاب البعد عنك وأطلبك لا تذكرينه
كان خوفي من الفراق وخطوه الفرقا جبانه

ما أقتنعت أن الخيانه للرجل تلوي يمينه
لين ما ربي بعثك وذقت من طعم الخيانه

أسمحي لي ما بقى فيني مكانٍ تطعنينه
وأقبلي من جوف قلبي كل عطفه وأمتنانه

والله الله في عذابك بتركك عينك بعينه
دلليه ولا يرده عن شقاك ألا لسانه

ولا أنا قررت أسافر وأمتطي ظهر السفينه
لأن مابه شئ واحد يستحق أقعد عشانه




حامد زيد


منقوووووووووووووول

هلا اخت قمر الرزماااان

يسلموووووووووو هالانامل اللى نقلت

والله ان القصيده اقرئها كل مره ولا امل منها

كلمااات في غاية الرووووعه

تسلمين على حسن ضوقك وحسن اختيارك

يدل على رفعتك وتفكيرك الكبير لان المهم مش المشاركه

المهم قيمة المشاركه ونكهتها فانتي جسدتي ان

المشاركات عنوان صاحبها فمشاركاتك ماشاء الله

عليك من ابدااع الى روعه حيثت ماتحلين لمشاركاتك نكهتها الخاااصه



اتمنى ان تستمرين على نفس هذا المنوال لان المنتدى بحاجه الى عقليات

ناضجه ومبدعه سواك استمري والى الامام دوم ان شاء الله

[c]هلا وغلا عزيزتي قمر الزمان


يعطيك العافيه



اختيار راقي يدل على قلم له شان كبير بأذن الله في هذا المنتدى



حضورك جميل سيدتي اتمنا الاستمرار بهذا التميز




دمتي مبدعه






تحياااااااااااتي لكي[/c]

صح السان الشاعر

وسلمت أناملك أختي العزيزة قمر الزمان

أختيـــار جداً رائع وراقي

دمت بود

الله يعافيكم ويسلمكم ويخليكم

مشكوووووووووووورين على هالرد

لكم ،،،

فعلاً كلمات جميلة

يلم كاتبها وتسلمي يا قمر الزمان على حسن الإختيار والنقل

ولك

الله يسلمك اختي اشجان على هالرد الرائع